Respublika köleminde  2020 jılğı 1 naurızdan bastap 6 qazan aralığında SOVID - 19-ğa PTR ädisimen 3 mln 32 mıñnan astam zertteu jürgizilgen. Tauarlar men körsetiletin qızmetterdiñ sapası men qauipsizdigin baqılau komiteti wsınğan derek negizinde, qazan 1-i men 6-sı aralığında 9217 test qoldanılğan.

Komitetke qarastı Wlttıq saraptama ortalığı gumanitarlıq kömekpen äkelingen 151 mıñnan astam test-jüyelerin ülestirgen. Naurız ayınıñ basında Reseyden (Rospotrebnadzor – naurızda) 4 mıñ, qırküyekte 22 mıñ; Qıtaydan mamırda 37 536 mausımda 52 032; Türkiyadan şildede 11 520, tamızda 960: qırküyekte DDSW-dan 23,5 mıñ test jiberilgen.

Timur Swltanğazievtiñ mälimetinşe, PTR (polimerazdı tizbekti reakciya) ädisimen biologiyalıq materialdan COVID-19 virusınıñ RNK-sın anıqtauğa diagnostikalıq zertteu bağası  11 499,46 teñge twradı. 7 qazan prezident Toqaev koronavirusqa tekserilu üşin tapsıratın PTR- esttiñ bağası qımbat ekenin aytıp, arzandatuğa tapsırma bergen. Mwnı vice-prem'er Eralı Toğjanov ilip alıp, keşe bir aptanıñ işinde öñirlerdegi PTR testileudi birkelki ötkizudi qamtamasız etuge tağı tapsırma berdi. Äzirge tapsırmanıñ tizbeginde el är testti 10 mıñ men 18 mıñ teñgeniñ aralığında tapsırıp jür.

Ükimet  küzgi-qısqı kezeñde barlıq zerthanalardıñ jalpı quatın täuligine 63 mıñ sınama jürgizuge uäde berdi. Ministrliktiñ deregine qarağanda, Wlttıq saraptama ortalığınıñ 16 virusologiyalıq zerthanası bar körinedi. Äzirge täuligine 28 mıñ zertteu jasalıp jatır. Qazan ayınıñ basındağı jağday boyınşa elimizde testileudi 124 zerthana jüzege asıradı. Onıñ sanitariyalıq-epidemiologiyalıq qızmettiñ zerthanaları – 25, jeke zerthanalar – 42, medicinalıq wyımdardıñ zerthanaları – 31, veterinariyalıq zerthanalar – 26.

Redakciyanıñ swrau hatına bergen jauabında komitet Ükimet tapsırısımen satıp alınıp, Qazaqstanda qoldanılatın testter Qıtay Halıq Respublikası men Resey Federaciyasında şığarılatının rastaydı.

Jalpı Qazaqstanda 13 naurızdan beri COVID-19 infekciyasın jwqtırğandar qatarı 108 mıñğa, 1 tamızdan bergi koronavirus pnevmoniyası 34 mıñğa jetken. DDSW dereginde auırğandardıñ sanı 142 mıñnan asqanı körsetilgen.

"The Qazaq Times"