رەسپۋبليكا كولەمىندە 2020 جىلعى 1 ناۋرىزدان باستاپ 6 قازان ارالىعىندا سOVID - 19-عا پتر ادىسىمەن 3 ملن 32 مىڭنان استام زەرتتەۋ جۇرگىزىلگەن. تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ۇسىنعان دەرەك نەگىزىندە، قازان 1-ءى مەن 6-سى ارالىعىندا 9217 تەست قولدانىلعان.
كوميتەتكە قاراستى ۇلتتىق ساراپتاما ورتالىعى گۋمانيتارلىق كومەكپەن اكەلىنگەن 151 مىڭنان استام تەست-جۇيەلەرىن ۇلەستىرگەن. ناۋرىز ايىنىڭ باسىندا رەسەيدەن (روسپوترەبنادزور – ناۋرىزدا) 4 مىڭ، قىركۇيەكتە 22 مىڭ; قىتايدان مامىردا 37 536 ماۋسىمدا 52 032; تۇركيادان شىلدەدە 11 520, تامىزدا 960: قىركۇيەكتە ددسۇ-دان 23,5 مىڭ تەست جىبەرىلگەن.
تيمۋر سۇلتانعازيەۆتىڭ مالىمەتىنشە، پتر (پوليمەرازدى تىزبەكتى رەاكتسيا) ادىسىمەن بيولوگيالىق ماتەريالدان COVID-19 ۆيرۋسىنىڭ رنك-سىن انىقتاۋعا دياگنوستيكالىق زەرتتەۋ باعاسى 11 499,46 تەڭگە تۇرادى. 7 قازان پرەزيدەنت توقاەۆ كوروناۆيرۋسقا تەكسەرىلۋ ءۇشىن تاپسىراتىن پتر- ەستتىڭ باعاسى قىمبات ەكەنىن ايتىپ، ارزانداتۋعا تاپسىرما بەرگەن. مۇنى ۆيتسە-پرەمەر ەرالى توعجانوۆ ءىلىپ الىپ، كەشە ءبىر اپتانىڭ ىشىندە وڭىرلەردەگى پتر تەستىلەۋدى بىركەلكى وتكىزۋدى قامتاماسىز ەتۋگە تاعى تاپسىرما بەردى. ازىرگە تاپسىرمانىڭ تىزبەگىندە ەل ءار تەستتى 10 مىڭ مەن 18 مىڭ تەڭگەنىڭ ارالىعىندا تاپسىرىپ ءجۇر.
ۇكىمەت كۇزگى-قىسقى كەزەڭدە بارلىق زەرتحانالاردىڭ جالپى قۋاتىن تاۋلىگىنە 63 مىڭ سىناما جۇرگىزۋگە ۋادە بەردى. مينيسترلىكتىڭ دەرەگىنە قاراعاندا، ۇلتتىق ساراپتاما ورتالىعىنىڭ 16 ۆيرۋسولوگيالىق زەرتحاناسى بار كورىنەدى. ازىرگە تاۋلىگىنە 28 مىڭ زەرتتەۋ جاسالىپ جاتىر. قازان ايىنىڭ باسىنداعى جاعداي بويىنشا ەلىمىزدە تەستىلەۋدى 124 زەرتحانا جۇزەگە اسىرادى. ونىڭ سانيتاريالىق-ەپيدەميولوگيالىق قىزمەتتىڭ زەرتحانالارى – 25, جەكە زەرتحانالار – 42, مەديتسينالىق ۇيىمداردىڭ زەرتحانالارى – 31, ۆەتەريناريالىق زەرتحانالار – 26.
رەداكتسيانىڭ سۇراۋ حاتىنا بەرگەن جاۋابىندا كوميتەت ۇكىمەت تاپسىرىسىمەن ساتىپ الىنىپ، قازاقستاندا قولدانىلاتىن تەستتەر قىتاي حالىق رەسپۋبليكاسى مەن رەسەي فەدەراتسياسىندا شىعارىلاتىنىن راستايدى.
جالپى قازاقستاندا 13 ناۋرىزدان بەرى COVID-19 ينفەكتسياسىن جۇقتىرعاندار قاتارى 108 مىڭعا، 1 تامىزدان بەرگى كوروناۆيرۋس پنەۆمونياسى 34 مىڭعا جەتكەن. ددسۇ دەرەگىندە اۋىرعانداردىڭ سانى 142 مىڭنان اسقانى كورسەتىلگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟