Üş aydan beri auırıp jatqan Özbekstannıñ vice-prem'eri Uktam Barnoev "koronavirustan" qaytıs boldı. Foto: Gazeta.uz

Germaniya auruhanasında Özbekstannıñ vice-prem'eri, sayasatker Uktam Barnoev koronavirustan qaytıs boldı.  

Özbekstandıq Gazeta.uz saytınıñ mälimetinşe, Ükimet basşısınıñ agrarlıq jäne azıq-tülik sayasatın jürgizuşi orınbasarı Uktam Barnoev 56 jasında koronavirustıñ asqınuınan ömirden ötken.

Basılım Barnoevtıñ Taşkenttegi Akfa Mediline jeke menşik klinikasında emdelgenin, odan keyin Germaniyağa barğanın habarlaydı. BAQ betterinde 30 şilde şeneuniktiñ virus jwqtırıp, hkpeni jasandı jeldetu apparatınıñ kömegimen dem alıp jatqanı jariyalanğan.

Uktam Barnoev – Taşkent auıl şaruaşılığı jäne injineriya institutında bilim alğan. Eñbek jolın injener retinde bastağan ol Bwhara oblısında ärtürli lauazımda (basqarma basşısınıñ orınbasarı, oblıs äkimi), Auıl jäne su şaruşılığı ministrliginde basşılıqta, vmce-ministr, su inspektorı t.b. orındarda qızmet atqarğan. Biıl aqpan ayında eldegi bas uäzirdiñ orınbasarı bolıp tağayındalğan. Sonımen qosa, 2020 jıldıñ 6 şildesinde Özbekstannıñ Atbegilik jäne at sportınıñ türleri federaciyasınıñ törağası bolıp kelgen edi.

Barnoev Özbekstan şeneunikteriniñ arasındağı birinşi koronavirus qwrbanı emes. Şildeniñ ayağına qaray Qaraqalpaqstannıñ Joğarı Keñesiniñ eks-törağası Mwsa Erniyazov pen eks-qarjı vice-ministri Erkin Twrsınov, 22 tamız küni – Bwhara oblısınıñ bwrınğı äkimi Karim Kamalov qaytıs bolğan. Qırküyektiñ basında eki jaqtı pnevmoniya saldarınan Qaşqadariya oblısındağı audan äkimi Gayrat Begaliev jäne orınbasarı Mansur Rahmonov qaytqan.

Resmi statistika boyınşa, Özbekstanda 51 mıñnan astam adamnan koronavirus  anıqtalğan. Onıñ 47 mıñı emdelip şıqqan, al 429 adam qaytıs bolğan. Nauqastardıñ eñ köbi Taşkentte (30 mıñ nauqas, 374 ölim) tirkelgen. Degenmen halıqaralıq sarapşılar men mamandar eldegi ahual bwdan da auır, resmi esep eselep kemitiletini turalı köp aytadı. Keybir aymaqtarda pnevmoniya örşigen. Biraq bwl jalpı statistikağa engizilmegen, Basqa Orta Aziya elderine wqsaytın Özbekstanda da şınayı jağday anıq emes. Statistika bwrmalanğanı jaylı sınaytın narazılar köp.

"The Qazaq Times"