گەرمانيا اۋرۋحاناسىندا وزبەكستاننىڭ ۆيتسە-پرەمەرى، ساياساتكەر ۋكتام بارنوەۆ كوروناۆيرۋستان قايتىس بولدى.  

وزبەكستاندىق گازەتا.uz سايتىنىڭ مالىمەتىنشە، ۇكىمەت باسشىسىنىڭ اگرارلىق جانە ازىق-تۇلىك ساياساتىن جۇرگىزۋشى ورىنباسارى ۋكتام بارنوەۆ 56 جاسىندا كوروناۆيرۋستىڭ اسقىنۋىنان ومىردەن وتكەن.

باسىلىم بارنوەۆتىڭ تاشكەنتتەگى Akfa Mediline جەكە مەنشىك كلينيكاسىندا ەمدەلگەنىن، ودان كەيىن گەرمانياعا بارعانىن حابارلايدى. باق بەتتەرىندە 30 شىلدە شەنەۋنىكتىڭ ۆيرۋس جۇقتىرىپ، ھكپەنى جاساندى جەلدەتۋ اپپاراتىنىڭ كومەگىمەن دەم الىپ جاتقانى جاريالانعان.

ۋكتام بارنوەۆ – تاشكەنت اۋىل شارۋاشىلىعى جانە ينجينەريا ينستيتۋتىندا ءبىلىم العان. ەڭبەك جولىن ينجەنەر رەتىندە باستاعان ول بۇحارا وبلىسىندا ءارتۇرلى لاۋازىمدا (باسقارما باسشىسىنىڭ ورىنباسارى، وبلىس اكىمى), اۋىل جانە سۋ شارۋشىلىعى مينيسترلىگىندە باسشىلىقتا، ۆمتسە-مينيستر، سۋ ينسپەكتورى ت.ب. ورىنداردا قىزمەت اتقارعان. بيىل اقپان ايىندا ەلدەگى باس ءۋازىردىڭ ورىنباسارى بولىپ تاعايىندالعان. سونىمەن قوسا، 2020 جىلدىڭ 6 شىلدەسىندە وزبەكستاننىڭ اتبەگىلىك جانە ات سپورتىنىڭ تۇرلەرى فەدەراتسياسىنىڭ توراعاسى بولىپ كەلگەن ەدى.

بارنوەۆ وزبەكستان شەنەۋنىكتەرىنىڭ اراسىنداعى ءبىرىنشى كوروناۆيرۋس قۇربانى ەمەس. شىلدەنىڭ اياعىنا قاراي قاراقالپاقستاننىڭ جوعارى كەڭەسىنىڭ ەكس-توراعاسى مۇسا ەرنيازوۆ پەن ەكس-قارجى ۆيتسە-ءمينيسترى ەركىن تۇرسىنوۆ، 22 تامىز كۇنى – بۇحارا وبلىسىنىڭ بۇرىنعى اكىمى كاريم كامالوۆ قايتىس بولعان. قىركۇيەكتىڭ باسىندا ەكى جاقتى پنەۆمونيا سالدارىنان قاشقاداريا وبلىسىنداعى اۋدان اكىمى گايرات بەگاليەۆ جانە ورىنباسارى مانسۋر راحمونوۆ قايتقان.

رەسمي ستاتيستيكا بويىنشا، وزبەكستاندا 51 مىڭنان استام ادامنان كوروناۆيرۋس  انىقتالعان. ونىڭ 47 مىڭى ەمدەلىپ شىققان، ال 429 ادام قايتىس بولعان. ناۋقاستاردىڭ ەڭ كوبى تاشكەنتتە (30 مىڭ ناۋقاس، 374 ءولىم) تىركەلگەن. دەگەنمەن حالىقارالىق ساراپشىلار مەن ماماندار ەلدەگى احۋال بۇدان دا اۋىر، رەسمي ەسەپ ەسەلەپ كەمىتىلەتىنى تۋرالى كوپ ايتادى. كەيبىر ايماقتاردا پنەۆمونيا ورشىگەن. بىراق بۇل جالپى ستاتيستيكاعا ەنگىزىلمەگەن، باسقا ورتا ازيا ەلدەرىنە ۇقسايتىن وزبەكستاندا دا شىنايى جاعداي انىق ەمەس. ستاتيستيكا بۇرمالانعانى جايلى سىنايتىن نارازىلار كوپ.

"The Qazaq Times"