Ukraina NATO-ğa müşe eldermen birge komandalıq-ştabtıq jattığu bastaydı. Kievtiñ bwl äreketi Reseydegi «Kavkaz-2020» äskeri jattığuına qarımta jauap. Bwl turalı Ukrainanıñ qorğanıs ministri Andrey Taran mälimdedi.

Jattığu kezinde Ukraina Bas ştabtıñ NATO standarttarına säykes äreket etu qabiletin, sonday-aq NATO Qarulı Küşteriniñ komandalıq punktterimen özara is-qimıl wyımdastıra bilu qabiletin sınaqtan ötkizbek. Al'yansqa müşe elder de osı jattığuğa qatısadı. «Kavkaz-2020» jattığularına dayındıq sıltauımen reseylik sarbazbardıñ biriguin eskere otırıp, Ukrainanıñ Qorğanıs ministrligi men Ukrainanıñ Qarulı Küşteri qırküyektiñ soñğı onkündiginde – «Birikken küş-2020» strategiyalıq komandalıq-ştabtıq jattığudı ötkizudi josparlap otır. Jattığu ayasında Ukrainanıñ oñtüstiginde jauıngerlik äzirlikter de tekserilip, zenittik-zımırandıq jüyeler, äskeri aviaciya, qwrlıqtağı küşter bölimşeleri jäne basqa qwrılımdar tartıladı», – dedi ministr.

Bwğan deyin Reseydiñ qorğanıs ministri, Armiya generalı Sergey Şoygu «Kavkaz-2020» jattığularına altı eldiñ, sonıñ işinde ŞIW men WQŞW-ğa müşe memleketterdiñ toptarın tartu josparlanğanın aytqan bolatın. Strategiyalıq jattığular qırküyekke josparlanğan.

"The Qazaq Times"