Украина НАТО-ға мүше елдермен бірге командалық-штабтық жаттығу бастайды. Киевтің бұл әрекеті Ресейдегі «Кавказ-2020» әскери жаттығуына қарымта жауап. Бұл туралы Украинаның қорғаныс министрі Андрей Таран мәлімдеді.

Жаттығу кезінде Украина Бас штабтың НАТО стандарттарына сәйкес әрекет ету қабілетін, сондай-ақ НАТО Қарулы Күштерінің командалық пункттерімен өзара іс-қимыл ұйымдастыра білу қабілетін сынақтан өткізбек. Альянсқа мүше елдер де осы жаттығуға қатысады. «Кавказ-2020» жаттығуларына дайындық сылтауымен ресейлік сарбазбардың бірігуін ескере отырып, Украинаның Қорғаныс министрлігі мен Украинаның Қарулы Күштері қыркүйектің соңғы онкүндігінде – «Біріккен күш-2020» стратегиялық командалық-штабтық жаттығуды өткізуді жоспарлап отыр. Жаттығу аясында Украинаның оңтүстігінде жауынгерлік әзірліктер де тексеріліп, зениттік-зымырандық жүйелер, әскери авиация, құрлықтағы күштер бөлімшелері және басқа құрылымдар тартылады», – деді министр.

Бұған дейін Ресейдің қорғаныс министрі, Армия генералы Сергей Шойгу «Кавказ-2020» жаттығуларына алты елдің, соның ішінде ШЫҰ мен ҰҚШҰ-ға мүше мемлекеттердің топтарын тарту жоспарланғанын айтқан болатын. Стратегиялық жаттығулар қыркүйекке жоспарланған.

"The Qazaq Times"