Golden Cobra jattığuındağı AQŞ jauıngerleri. Foto: VOA.

Bügin AQŞ-Tayland arasındağı auqımdı birlesken äskeri oqu-jattığular bastaldı. «Golden Cobra» dep atalatın jattığuğa tikeley jäne baqılauşı retinde 29 el qatısqan. AQŞ pen Taylandtan tıs, Singapur, Japoniya, Qıtay, Ündistan, Malayziya jäne Oñtüstik Koreya oqu-jattığudıñ belsendi qatısuşıları bolmaq.

Birlesken äskeri jattığu Taylandtıñ soltüstigindegi Fitsanulok qalasında ötken. AQŞ-tıñ Taylandtağı elşisi Piter Hammondtıñ aytuınşa, birlesken jattığudıñ bastı maqsatı taraptardıñ wlttıq qorğanıs ıntımaqtastığın küşeytu, armiyanıñ ıntımaqtastığı jäne ärekettik üylesimdiligin damıtu.

Kezekti jattığu üş mazmwndı qamtidı. Aytalıq, wrıs jattığuları, odaqtastarğa kömek beru jattığuları jäne apattı jağdaylarda zardaptı joyu men gumanitarlıq kömek jetkizu jattığuları.

Ayta keteyik, 1982 jılı bastalğan «Golden Cobra» birlesken äskeri jattığu jıl sayın ötkizilip keledi. Kezekti jattığu 10 künge jalğasıp, 22 aqpan küni ayaqtaladı.

“The Qazaq Times”