ۋكراينا ناتو-عا مۇشە ەلدەرمەن بىرگە كوماندالىق-شتابتىق جاتتىعۋ باستايدى. كيەۆتىڭ بۇل ارەكەتى رەسەيدەگى «كاۆكاز-2020» اسكەري جاتتىعۋىنا قارىمتا جاۋاپ. بۇل تۋرالى ۋكراينانىڭ قورعانىس ءمينيسترى اندرەي تاران مالىمدەدى.

جاتتىعۋ كەزىندە ۋكراينا باس شتابتىڭ ناتو ستاندارتتارىنا سايكەس ارەكەت ەتۋ قابىلەتىن، سونداي-اق ناتو قارۋلى كۇشتەرىنىڭ كوماندالىق پۋنكتتەرىمەن ءوزارا ءىس-قيمىل ۇيىمداستىرا ءبىلۋ قابىلەتىن سىناقتان وتكىزبەك. اليانسقا مۇشە ەلدەر دە وسى جاتتىعۋعا قاتىسادى. «كاۆكاز-2020» جاتتىعۋلارىنا دايىندىق سىلتاۋىمەن رەسەيلىك ساربازباردىڭ بىرىگۋىن ەسكەرە وتىرىپ، ۋكراينانىڭ قورعانىس مينيسترلىگى مەن ۋكراينانىڭ قارۋلى كۇشتەرى قىركۇيەكتىڭ سوڭعى ونكۇندىگىندە – «بىرىككەن كۇش-2020» ستراتەگيالىق كوماندالىق-شتابتىق جاتتىعۋدى وتكىزۋدى جوسپارلاپ وتىر. جاتتىعۋ اياسىندا ۋكراينانىڭ وڭتۇستىگىندە جاۋىنگەرلىك ازىرلىكتەر دە تەكسەرىلىپ، زەنيتتىك-زىمىراندىق جۇيەلەر، اسكەري اۆياتسيا، قۇرلىقتاعى كۇشتەر بولىمشەلەرى جانە باسقا قۇرىلىمدار تارتىلادى»، – دەدى مينيستر.

بۇعان دەيىن رەسەيدىڭ قورعانىس ءمينيسترى، ارميا گەنەرالى سەرگەي شويگۋ «كاۆكاز-2020» جاتتىعۋلارىنا التى ەلدىڭ، سونىڭ ىشىندە شىۇ مەن ۇقشۇ-عا مۇشە مەملەكەتتەردىڭ توپتارىن تارتۋ جوسپارلانعانىن ايتقان بولاتىن. ستراتەگيالىق جاتتىعۋلار قىركۇيەككە جوسپارلانعان.

"The Qazaq Times"