Qazaqstanda koronavirustıñ taraluını baylanıstı qalıptasqan jağday oñalğan joq. Densaulıq saqtau ministrliginiñ 28 mausımda jariyalağan resmi mälimetine säykes elde indettiñ klinikalıq belgileri bayqalmağan tağı 1066 nauqas esepke alındı.

Simptomsız nauqastardıñ deni Atırau, Qarağandı jäne Soltüstik Qazaqstan oblastarınıñ aumağında tirkelgen. Bwğan deyin minsitrlik indet belgisi bayqalmağan jağdaylardı resmi statistikağa qospaymız dep mälimdegen edi. Soğan baylanıstı, qazir ministrlik taratatın resmi aqparatta simptomsız nauqastar  bölek qarastırılıp jür.

Qazir elde infekciya jwqtırğandar sanı 37 966 adamdı qwradı. Onıñ 16 639-ı auru belgisi joq virus tasımaldauşılar. Qaytıs bolğandar  178, emdelip şıqqandar 12195 adamğa jetti. El boyınşa infekciya jwqtırğandardıñ ösimi 2,6% qwrap otır.

"The Qazaq Times"