قازاقستاندا كوروناۆيرۋستىڭ تارالۋىنى بايلانىستى قالىپتاسقان جاعداي وڭالعان جوق. دەنساۋلىق ساقتاۋ مينيسترلىگىنىڭ 28 ماۋسىمدا جاريالاعان رەسمي مالىمەتىنە سايكەس ەلدە ىندەتتىڭ كلينيكالىق بەلگىلەرى بايقالماعان تاعى 1066 ناۋقاس ەسەپكە الىندى.

سيمپتومسىز ناۋقاستاردىڭ دەنى اتىراۋ، قاراعاندى جانە سولتۇستىك قازاقستان وبلاستارىنىڭ اۋماعىندا تىركەلگەن. بۇعان دەيىن مينسيترلىك ىندەت بەلگىسى بايقالماعان جاعدايلاردى رەسمي ستاتيستيكاعا قوسپايمىز دەپ مالىمدەگەن ەدى. سوعان بايلانىستى، قازىر مينيسترلىك تاراتاتىن رەسمي اقپاراتتا سيمپتومسىز ناۋقاستار  بولەك قاراستىرىلىپ ءجۇر.

قازىر ەلدە ينفەكتسيا جۇقتىرعاندار سانى 37 966 ادامدى قۇرادى. ونىڭ 16 639-ى اۋرۋ بەلگىسى جوق ۆيرۋس تاسىمالداۋشىلار. قايتىس بولعاندار  178, ەمدەلىپ شىققاندار 12195 ادامعا جەتتى. ەل بويىنشا ينفەكتسيا جۇقتىرعانداردىڭ ءوسىمى 2,6% قۇراپ وتىر.

"The Qazaq Times"