Covid-19 pandemiyasınıñ toqtauına äli de köp uaqıt bar. Foto: BBC.

Älemniñ endi bwrınğıday bolmaytının Düniejüzilik densaulıq saqtau wyımı da ayttı. Atalğan wyım ökilderiniñ sözinşe twtas älemde koronavirus pandemiyasınıñ taraluı bäseñdep qalğanımen, onıñ tolıqtay toqtauına äli de köp uaqıt kerek.

«Bizge tım wzaq joldı basıp ötu kerek. Bwl virus endi bizben köpke deyin birge boladı... Karantin şaraların qabıldağan elderdegi azamattar birneşe apta boyı üyge qamalıp otırğandarına narazı, biraq, älem endi bwrınğıday bolmaydı», – dedi DSW jetekşisi Tedros Adanom Gebreisus.

Älemdi jaylağan indettiñ jağdayı sät sayın özgerip otır. Batıs Europada jağday twraqtana bastap edi, endi Şığıs Europa, Ortalıq jäne Oñtüstik Amerika, Afrikada jağday auırlay tüsti. Virustıñ taralğanına salıstırmalı köp uaqıt ötse de indet äli de qorqınıştı küyde twr. DSW älemniñ basım köp böligi virustan zardap şegetinin aytadı, sonday-aq, indettiñ jaña tolqını kez-kelgen uaqıtta örşui mümkin ekenin de eskertedi.

Düniejüzilik Covid-19 pandemiyasına baylanıstı resmi sayttıñ mälimeti boyınşa däl qazirgi sağattağı älemdegi indet jağdayı mınaday:

İndetke şaldıqqandar sanı: 2 mln 640 mıñ 929 adam.

Köz jwmğandar sanı: 184 mıñ 283 adam.

Jazılıp şıqqandar: 722 mıñ 717 adam.

“The Qazaq Times”