دسۇ: الەم ەندى بۇرىنعىداي بولمايدى، ۆيرۋس بىزبەن كوپ ۋاقىت بىرگە بولادى

الەمنىڭ ەندى بۇرىنعىداي بولمايتىنىن دۇنيەجۇزىلىك دەنساۋلىق ساقتاۋ ۇيىمى دا ايتتى. اتالعان ۇيىم وكىلدەرىنىڭ سوزىنشە تۇتاس الەمدە كوروناۆيرۋس پاندەمياسىنىڭ تارالۋى باسەڭدەپ قالعانىمەن، ونىڭ تولىقتاي توقتاۋىنا ءالى دە كوپ ۋاقىت كەرەك.

«بىزگە تىم ۇزاق جولدى باسىپ ءوتۋ كەرەك. بۇل ۆيرۋس ەندى بىزبەن كوپكە دەيىن بىرگە بولادى... كارانتين شارالارىن قابىلداعان ەلدەردەگى ازاماتتار بىرنەشە اپتا بويى ۇيگە قامالىپ وتىرعاندارىنا نارازى، بىراق، الەم ەندى بۇرىنعىداي بولمايدى»، – دەدى دسۇ جەتەكشىسى تەدروس ادانوم گەبرەيسۋس.

الەمدى جايلاعان ىندەتتىڭ جاعدايى ءسات سايىن وزگەرىپ وتىر. باتىس ەۋروپادا جاعداي تۇراقتانا باستاپ ەدى، ەندى شىعىس ەۋروپا، ورتالىق جانە وڭتۇستىك امەريكا، افريكادا جاعداي اۋىرلاي ءتۇستى. ۆيرۋستىڭ تارالعانىنا سالىستىرمالى كوپ ۋاقىت وتسە دە ىندەت ءالى دە قورقىنىشتى كۇيدە تۇر. دسۇ الەمنىڭ باسىم كوپ بولىگى ۆيرۋستان زارداپ شەگەتىنىن ايتادى، سونداي-اق، ىندەتتىڭ جاڭا تولقىنى كەز-كەلگەن ۋاقىتتا ءورشۋى مۇمكىن ەكەنىن دە ەسكەرتەدى.

دۇنيەجۇزىلىك Covid-19 پاندەمياسىنا بايلانىستى رەسمي سايتتىڭ مالىمەتى بويىنشا ءدال قازىرگى ساعاتتاعى الەمدەگى ىندەت جاعدايى مىناداي:

ىندەتكە شالدىققاندار سانى: 2 ملن 640 مىڭ 929 ادام.

كوز جۇمعاندار سانى: 184 مىڭ 283 ادام.

جازىلىپ شىققاندار: 722 مىڭ 717 ادام.

“The Qazaq Times”