Körneki suret. Foto: The Canadian Press

Qazaqstannıñ densaulıq saqtau ministrligi naurızdıñ 28-i 78, keşe 55 nauqas anıqtalğanın habarladı. Türkistan jäne Qostanay oblıstarınan basqa barlıq öñirde indet faktisi tirkelip ülgerdi.

15 öñirde tirkelgen COVID-19 infekciyasın jwqtırğandar sanı 284-ke jetti. Olar:

  • astanada – 167,
  • Almatıda – 70,
  • Atırau oblısında – 12,
  • Qarağandı oblısında – 7,
  • Aqmola oblısında – 6,
  • Almatı oblısında – 6,
  • Jambıl oblısında – 3,
  • Şımkentte – 2,
  • Şığıs Qazaqstan oblısı – 2,
  • Batıs Qazaqstan oblısında – 2,
  • Qızılorda oblısında – 2,
  • Aqtöbe oblısında – 2,
  • Mañğıstau oblısı – 1,
  • Almatı oblısında – 1,
  • Pavlodar oblısında – 1,
  • Soltüstik Qazaqstan oblısında bir adam emdelip jatır.

Densaulıq saqtau ministrliginiñ habarlauınşa, Almatıdağı eki nauqas auruınan ayığıp şıqtı. Birinşisi Frankfurttan oralğan äyel, al ekinşisi Mäskeuden kelgen. Endi ekeui de 14 kün üy karantininde baqılauda boladı. Osı uaqıtqa deyin sauığıp şıqqan 20 adam üyine jiberildi. Biraq ministr Däuren Abaev pen jauaptı vedomstvo nauqastar naqtı qanday emşaramen, nendey däri qwralı arqasında sauıqqanın naqtı aytpadı. 26 naurızda Aqmola oblısı Qosşı auılında koronavirustan qaytıs bolğan 65 jastağı äyeldiñ ölimine qatıstı şikilik tım köp.

Bügin, naurızdıñ 30-ınan bastap koronavirustıñ tarauına baylanıstı Atırau, Qarağandı, Temirtau, Şahtinsk, Saran, Abay qalaları karantinge jabıladı. Şımkent qalasında eldiñ sırtqa şığuına,  al osı künge deyin eşbir nauqas tirkelmegen birden-bir aymaq Qostanay oblısı men Aqtau qalasına kirip-şığuğa şekteu qoyıldı.

Elde 15 säuirge deyin tötenşe jağday jariyalanğan. Bügingi jağday boyınşa eldiñ 11 öñirde (bir oblıs-qala, 10 qala), yağni 6 millionğa juıq adam karantin rejimine köşti. Bwl aymaqtarda mekendeytin twrğındar sanı halıqtıñ üşten bir böligin qwraydı.

Dadax komerciyalıq emes kompaniyasına qarastı Worldometer statistikalıq aqparattar bazası jäne AQŞ-tağı Djon Hopkins universitetiniñ soñğı deregi boyınşa, älemde 722 mıñnan astam adam qaterli virusqa şaldıqqan. Sonday-aq 34 mıñğa juıq nauqas köz jwmsa, 150 mıñday adam dertinen ayıqtı.

Koronavirus indetin jwqtırğan nauqastar sanı 10 mıñnan asqan 11 el (Derekköz: Worldometer)

Elder Nauqastar sanı Ötken täulikte tirkelgen nauqastar Qaytıs bolğandar Eñ alğaş infekciya tirkelgen kün
AQŞ 142,047 +18,469 2,484   20 qañtar
Italiya 97,689 +5,217 10,779   29 qañtar
Qıtay 81,439 +45 3,300   10 qañtar
Ispaniya 80,110 +6,875 6,803   30 qañtar
Germaniya 62,435 +4,740 541   26 qañtar
Franciya 40,174 +2,599 2,606   23 qañtar
Iran 38,309 +2,901 2,640   18 aqpan
Wlıbritaniya 19,522 +2,433 1,228   30 qañtar
Şveycariya 14,829 +753 300   24 aqpan
Niderlandı 10,866 +1,104 771   26 aqpan
Bel'giya 10,836 +1,702 431   03 aqpan
Älem boyınşa 721,946 +58,864 33,966   10 qañtar

Sonımen birge COVID-19 indetiniñ taralu qarqını köpti alañdatıp otır. Onıñ dinamikası:

  • 0 – 100.000 nauqas:  110 künde
  • 100.000 – 200.000 nauqas:  12 künde
  • 200.000 – 300.000 nauqas:  3 künde
  • 300.000 – 400.000 nauqas:  2 künde
  • 400.000 – 500.000 nauqas:  47 sağatta
  • 500.000 – 600.000 nauqas:  41 sağatta
  • 600.000 – 700.000 nauqas:  31 sağatta

Qazirgi tañda qaterli derttiñ aldın-alu maqsatında DDSW-nıñ dereginşe, 44 türli vakcina ülgisi dayındalıp jatır. Biraq onıñ işindegi eñ dwrıs, paydalı nwsqasın anıqtap, öndiriske jiberuge deyin kemi jartı jıl kerek körinedi.

"The Qazaq Times"