قازاقستاننىڭ دەنساۋلىق ساقتاۋ مينيسترلىگى ناۋرىزدىڭ 28-ءى 78, كەشە 55 ناۋقاس انىقتالعانىن حابارلادى. تۇركىستان جانە قوستاناي وبلىستارىنان باسقا بارلىق وڭىردە ىندەت فاكتىسى تىركەلىپ ۇلگەردى.
15 وڭىردە تىركەلگەن COVID-19 ينفەكتسياسىن جۇقتىرعاندار سانى 284-كە جەتتى. ولار:
- استانادا – 167,
- الماتىدا – 70,
- اتىراۋ وبلىسىندا – 12,
- قاراعاندى وبلىسىندا – 7,
- اقمولا وبلىسىندا – 6,
- الماتى وبلىسىندا – 6,
- جامبىل وبلىسىندا – 3,
- شىمكەنتتە – 2,
- شىعىس قازاقستان وبلىسى – 2,
- باتىس قازاقستان وبلىسىندا – 2,
- قىزىلوردا وبلىسىندا – 2,
- اقتوبە وبلىسىندا – 2,
- ماڭعىستاۋ وبلىسى – 1,
- الماتى وبلىسىندا – 1,
- پاۆلودار وبلىسىندا – 1,
- سولتۇستىك قازاقستان وبلىسىندا ءبىر ادام ەمدەلىپ جاتىر.
دەنساۋلىق ساقتاۋ مينيسترلىگىنىڭ حابارلاۋىنشا، الماتىداعى ەكى ناۋقاس اۋرۋىنان ايىعىپ شىقتى. ءبىرىنشىسى فرانكفۋرتتان ورالعان ايەل، ال ەكىنشىسى ماسكەۋدەن كەلگەن. ەندى ەكەۋى دە 14 كۇن ءۇي كارانتينىندە باقىلاۋدا بولادى. وسى ۋاقىتقا دەيىن ساۋىعىپ شىققان 20 ادام ۇيىنە جىبەرىلدى. بىراق مينيستر داۋرەن اباەۆ پەن جاۋاپتى ۆەدومستۆو ناۋقاستار ناقتى قانداي ەمشارامەن، نەندەي ءدارى قۇرالى ارقاسىندا ساۋىققانىن ناقتى ايتپادى. 26 ناۋرىزدا اقمولا وبلىسى قوسشى اۋىلىندا كوروناۆيرۋستان قايتىس بولعان 65 جاستاعى ايەلدىڭ ولىمىنە قاتىستى شيكىلىك تىم كوپ.
بۇگىن، ناۋرىزدىڭ 30-ىنان باستاپ كوروناۆيرۋستىڭ تاراۋىنا بايلانىستى اتىراۋ، قاراعاندى، تەمىرتاۋ، شاحتينسك، ساران، اباي قالالارى كارانتينگە جابىلادى. شىمكەنت قالاسىندا ەلدىڭ سىرتقا شىعۋىنا، ال وسى كۇنگە دەيىن ەشبىر ناۋقاس تىركەلمەگەن بىردەن-ءبىر ايماق قوستاناي وبلىسى مەن اقتاۋ قالاسىنا كىرىپ-شىعۋعا شەكتەۋ قويىلدى.
ەلدە 15 ساۋىرگە دەيىن توتەنشە جاعداي جاريالانعان. بۇگىنگى جاعداي بويىنشا ەلدىڭ 11 وڭىردە ء(بىر وبلىس-قالا، 10 قالا), ياعني 6 ميلليونعا جۋىق ادام كارانتين رەجيمىنە كوشتى. بۇل ايماقتاردا مەكەندەيتىن تۇرعىندار سانى حالىقتىڭ ۇشتەن ءبىر بولىگىن قۇرايدى.
Dadax كومەرتسيالىق ەمەس كومپانياسىنا قاراستى Worldometer ستاتيستيكالىق اقپاراتتار بازاسى جانە اقش-تاعى دجون حوپكينس ۋنيۆەرسيتەتىنىڭ سوڭعى دەرەگى بويىنشا، الەمدە 722 مىڭنان استام ادام قاتەرلى ۆيرۋسقا شالدىققان. سونداي-اق 34 مىڭعا جۋىق ناۋقاس كوز جۇمسا، 150 مىڭداي ادام دەرتىنەن ايىقتى.
كوروناۆيرۋس ىندەتىن جۇقتىرعان ناۋقاستار سانى 10 مىڭنان اسقان 11 ەل (دەرەككوز: Worldometer)
| ەلدەر | ناۋقاستار سانى | وتكەن تاۋلىكتە تىركەلگەن ناۋقاستار | قايتىس بولعاندار | ەڭ العاش ينفەكتسيا تىركەلگەن كۇن |
| اقش | 142,047 | +18,469 | 2,484 | 20 قاڭتار |
| يتاليا | 97,689 | +5,217 | 10,779 | 29 قاڭتار |
| قىتاي | 81,439 | +45 | 3,300 | 10 قاڭتار |
| يسپانيا | 80,110 | +6,875 | 6,803 | 30 قاڭتار |
| گەرمانيا | 62,435 | +4,740 | 541 | 26 قاڭتار |
| فرانتسيا | 40,174 | +2,599 | 2,606 | 23 قاڭتار |
| يران | 38,309 | +2,901 | 2,640 | 18 اقپان |
| ۇلىبريتانيا | 19,522 | +2,433 | 1,228 | 30 قاڭتار |
| شۆەيتساريا | 14,829 | +753 | 300 | 24 اقپان |
| نيدەرلاندى | 10,866 | +1,104 | 771 | 26 اقپان |
| بەلگيا | 10,836 | +1,702 | 431 | 03 اقپان |
| الەم بويىنشا | 721,946 | +58,864 | 33,966 | 10 قاڭتار |
سونىمەن بىرگە COVID-19 ىندەتىنىڭ تارالۋ قارقىنى كوپتى الاڭداتىپ وتىر. ونىڭ ديناميكاسى:
- 0 – 100.000 ناۋقاس: 110 كۇندە
- 100.000 – 200.000 ناۋقاس: 12 كۇندە
- 200.000 – 300.000 ناۋقاس: 3 كۇندە
- 300.000 – 400.000 ناۋقاس: 2 كۇندە
- 400.000 – 500.000 ناۋقاس: 47 ساعاتتا
- 500.000 – 600.000 ناۋقاس: 41 ساعاتتا
- 600.000 – 700.000 ناۋقاس: 31 ساعاتتا
قازىرگى تاڭدا قاتەرلى دەرتتىڭ الدىن-الۋ ماقساتىندا ددسۇ-نىڭ دەرەگىنشە، 44 ءتۇرلى ۆاكتسينا ۇلگىسى دايىندالىپ جاتىر. بىراق ونىڭ ىشىندەگى ەڭ دۇرىس، پايدالى نۇسقاسىن انىقتاپ، وندىرىسكە جىبەرۋگە دەيىن كەمى جارتى جىل كەرەك كورىنەدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟