Dempartiya jetekşisi Janbolat Mamay. Foto: aşıq derekköz

Bügin kündiz sağat 11:00-de Adam qwqıqtarı byurosında Demokratiyalıq partiyanıñ V baspasöz mäslihatı ötti.

Jiında birinşi bolıp söz alğan Janbolat Mamay öñirlerde bastamaşıl top ökilderine qwqıq qorğau organdarı qısım körsetip jatqanın söz etti. Onıñ sözinşe, jergilikti küştik qwrılım men äkimşilik jüye azamattarğa jwmıs ornı, tuıstarınıñ qızmetin jandı twsınan älimjettik körsetip, köpe-körneu zañ bwzuşılıqtar bolıp jatır.

Ol 1122 adamnıñ tizimi 26 jeltoqsan ädilet ministrligi tirkegenin eske saldı. Sonday-aq ol 15 aymaqta bastamaşıl ökilderdiñ körsetilgen tizimnen köp ekenin, onıñ tolıq tizimin resmi türde ötkizbeuiniñ sebebin joğarıda atalğan qısım jasau qaupinen kümandanğanımen baylanıstı tüsindirdi.

Jospar boyınşa 26 aqpanda Dempartiyanıñ s'ezi sağat 11:00-de ötui tiis. Wyımdastıru komitetiniñ jetekşisiniñ aytuına qarğanda, "respublika köleminde belsendilerge qısım iqrsetu arqılı bilik aldağı zañdı qwrıltaydıñ ötkizbeuge küş saluda".

- De-yure procesi jürip jatqanına qaramastan, de-fakto Dempartiya qwrılıp qoydı dese de boladı. Öytkeni aymaqta bizdi qoldaytın azamattar jeterlik. Almatıdağı keñseniñ özinde künine 10 şaqtı adam ärtürli mäselemen kelip, bizge tirkeledi, - dedi Mamay.

Söz alğan wyımdastıru komitetiniñ belsendisi Abzal Dostiyarov "otbası müşelerine Almatı qalası Alatau audandıq qwqıq qorğau organınıñ ökilderi kelip, swraq-jauap jürgizgenin" mälimdedi.

Sonımen qatar demokratiyalıq partiya qwrudı közdeytin bastamaşıl toptıñ Almatıdağı komiteti öziniñ jaqtastarına zañsız kilikkeni üşin ädilet ministrliginiñ üstinen bas prokuratuğa şağım tüsiretinin habarladı.

Komitet müşesi Tulegen Jukeev "wyım jaqtastarına jasalıp jatqan psihologiyalıq-fizikalıq qısımnıñ zañsız" ekenin aytadı.

"The Qazaq Times"