دەمپارتيا جەتەكشىسى جانبولات ماماي. فوتو: اشىق دەرەككوز

بۇگىن كۇندىز ساعات 11:00-دە ادام قۇقىقتارى بيۋروسىندا دەموكراتيالىق پارتيانىڭ V ءباسپاسوز ءماسليحاتى ءوتتى.

جيىندا ءبىرىنشى بولىپ ءسوز العان جانبولات ماماي وڭىرلەردە باستاماشىل توپ وكىلدەرىنە قۇقىق قورعاۋ ورگاندارى قىسىم كورسەتىپ جاتقانىن ءسوز ەتتى. ونىڭ سوزىنشە، جەرگىلىكتى كۇشتىك قۇرىلىم مەن اكىمشىلىك جۇيە ازاماتتارعا جۇمىس ورنى، تۋىستارىنىڭ قىزمەتىن جاندى تۇسىنان الىمجەتتىك كورسەتىپ، كوپە-كورنەۋ زاڭ بۇزۋشىلىقتار بولىپ جاتىر.

ول 1122 ادامنىڭ ءتىزىمى 26 جەلتوقسان ادىلەت مينيسترلىگى تىركەگەنىن ەسكە سالدى. سونداي-اق ول 15 ايماقتا باستاماشىل وكىلدەردىڭ كورسەتىلگەن تىزىمنەن كوپ ەكەنىن، ونىڭ تولىق ءتىزىمىن رەسمي تۇردە وتكىزبەۋىنىڭ سەبەبىن جوعارىدا اتالعان قىسىم جاساۋ قاۋپىنەن كۇماندانعانىمەن بايلانىستى ءتۇسىندىردى.

جوسپار بويىنشا 26 اقپاندا دەمپارتيانىڭ سەزى ساعات 11:00-دە ءوتۋى ءتيىس. ۇيىمداستىرۋ كوميتەتىنىڭ جەتەكشىسىنىڭ ايتۋىنا قارعاندا، "رەسپۋبليكا كولەمىندە بەلسەندىلەرگە قىسىم ىقرسەتۋ ارقىلى بيلىك الداعى زاڭدى قۇرىلتايدىڭ وتكىزبەۋگە كۇش سالۋدا".

- دە-يۋرە پروتسەسى ءجۇرىپ جاتقانىنا قاراماستان، دە-فاكتو دەمپارتيا قۇرىلىپ قويدى دەسە دە بولادى. ويتكەنى ايماقتا ءبىزدى قولدايتىن ازاماتتار جەتەرلىك. الماتىداعى كەڭسەنىڭ وزىندە كۇنىنە 10 شاقتى ادام ءارتۇرلى ماسەلەمەن كەلىپ، بىزگە تىركەلەدى، - دەدى ماماي.

ءسوز العان ۇيىمداستىرۋ كوميتەتىنىڭ بەلسەندىسى ابزال دوستياروۆ "وتباسى مۇشەلەرىنە الماتى قالاسى الاتاۋ اۋداندىق قۇقىق قورعاۋ ورگانىنىڭ وكىلدەرى كەلىپ، سۇراق-جاۋاپ جۇرگىزگەنىن" مالىمدەدى.

سونىمەن قاتار دەموكراتيالىق پارتيا قۇرۋدى كوزدەيتىن باستاماشىل توپتىڭ الماتىداعى كوميتەتى ءوزىنىڭ جاقتاستارىنا زاڭسىز كيلىككەنى ءۇشىن ادىلەت مينيسترلىگىنىڭ ۇستىنەن باس پروكۋراتۋعا شاعىم تۇسىرەتىنىن حابارلادى.

كوميتەت مۇشەسى تۋلەگەن جۋكەەۆ "ۇيىم جاقتاستارىنا جاسالىپ جاتقان پسيحولوگيالىق-فيزيكالىق قىسىمنىڭ زاڭسىز" ەكەنىن ايتادى.

"The Qazaq Times"