Boris Bryussel'de jeñdi. Foto; EPA.

Britaniyanıñ bas uäziri (prem'er-ministri) Boris Jonson (Djonson) Bryussel'degi kelissözde jeñip şıqtı. Britaniyanıñ Europalıq Odaqtan şığuı turalı jaña kelisimdi qabıldattı. Biraq, bwl jaña jobanıñ Britaniya Parlamentinde qoldau tabuı eki talay.

Bryussel'de EO liderleri Britaniyanıñ odaqtan şığuı turalı redakciyalanğan jaña kelisimşarttı maqwldadı. Bwrınğı prem'er Tereza Mey wsınğan jobağa birqatar özgerister engizilgen. Alayda, britaniyalıq aqparat qwraldarı «Jonson Bryussel'de jeñiske jetkenimen, Londonda jeñilis tabadı» degen pikirde.

Erteñ «Jaña Breksit» jobasın Britaniya Parlamenti qarap dauıs beredi. Eger olar jaña jobanı qoldasa, onda bäri de oñay bolmaq – Europalıq Odaq kelisimdi ratifikaciya jasaydı; EO keñesi qolın qoyadı, sonımen qazan ayı ayaqtala sala Britaniya EO-nıñ müşesi bolmay şığa bermek.

Biraq, Jonsonnıñ jeñispen oralğan jaña jobası bwrınğı Tereza Mey jobası sekildi Londonnıñ maqwldauınan ötpeui mümkin degen pikirler köp. Alayda, mülde qabıldanbay qaladı degenge de eşkim kepildik berme almaydı.

Boris Jonson Bryussel' saparınan keyin: «Men deputat äriptesterimiz endi birlese otırıp, «Breksitti» soñına şığaradı dep ümit etemin. Biz breksitti jüzege asırıp, EO-men ıntımaqtasqan bolaşaqtıñ jaña jobasın qwratın uaqıt keldi», – degen.

“The Qazaq Times”