EO-nıñ üşinşi sankciya paketinde Reseydiñ teñiz öndiris salası da qamtıldı. Foto: CEPS

Europa Odağı Reseyge qarsı jaña sankciyanı bekitti. Bwl sankciya Reseydiñ birqatar teñiz önerkäsibine jäne keybir lauazımdı twlğaları men oligarhtarına bağıttalğan. EO qabıldağan jaña sankciyada Belarus' te qamtılğan, aytalıq, üş birdey iri bankı SWIFT jüyesinen şığarılğanı mälim boldı.

EO tarabınan jaña sankciyanıñ qabıldanğanı turalı eñ alğaşqı mälimet Franciya ükimetiniñ resmi paraqşalarında jariyalandı. Sankciya Europa Odağınıñ resmi basılımdarına jariyalanğannan keyin tolıqatay küşine enetin boladı.

Sankciyada Ukrainağa şabuılğa qatıstı resmi twlğalar, olardıñ otbası müşeleriniñ, birqatar oligarhtardıñ esepşottarı bwğattalğan, sonday-aq, EO elderine kiruge şekteu qoyıladı.

Degenmen, Europa Odağı bwl retki şeşiminde kriptovalyutanı Reseyge qarsı sankciyalarğa qoldanuğa şekteu qoydı.

Bwl Reseydiñ Ukrainağa şabuılına jauap retinde Europa Odağı şığarğan üşinşi sankciya paketi. Sankciyalar Reseydiñ qarjı, energetika, tehnologiya jäne import-eksport salaların, jeke twlğaların da qamtidı.

The Qazaq Times