Qazandağı wltşıldar şerui. Foto: centralasian.org

Qazan qalasında qamauda otırğan wltşıldar Roman Halilov pen Ruslan Arhipov tağı eki qılmıs jasağanın moyındadı, dep habarladı Tatarstannıñ tergeu komiteti. Olar Çad respublikasınıñ studentin öltirgen degen küdikpen wstalğan edi.

Küdiktilerdiñ habarlauınşa, 2016 jılı jeltoqsanda olar qırğız azamatınıñ betine gaz şaşıp, odan soñ soqqığa jıqqan. Al biıl aqpan ayında Auğanstan azamatın metall bwyımdarımen sabağan.

Bwzaqılıq turalı bap boyınşa qılmıstıq is qozğaldı.

Halilov pen Arhipov osı aptada wstaldı. Tergeu nwsqası boyınşa, aqpannıñ ortasında olar Qazan federaldıq universitetiniñ zañ fakul'tetiniñ studenti Mahdjub Tidjani Hassandı soqqığa jıqqan.

Ekeui de jasağan qılmıstarın moyındadı. Jergilikti baspasözdiñ mälimeti boyınşa, olardıñ Qırğızstan, Auğanstan jäne Ündistan azamattarınıñ soqqığa jığıluına, sonday-aq Qazandağı mwsılman ziratınıñ qiratıluına qatısı boluı mümkin.

“The Qazaq Times”