قازاندىق ۇلتشىلدار بىرنەشە شەتەلدىك ستۋدەنتتى ۇرىپ-سوققانىن مويىندادى

قازان قالاسىندا قاماۋدا وتىرعان ۇلتشىلدار رومان حاليلوۆ پەن رۋسلان ارحيپوۆ تاعى ەكى قىلمىس جاساعانىن مويىندادى، دەپ حابارلادى تاتارستاننىڭ تەرگەۋ كوميتەتى. ولار چاد رەسپۋبليكاسىنىڭ ستۋدەنتىن ءولتىرگەن دەگەن كءۇدىكپەن ۇستالعان ەدى.

كۇدىكتىلەردىڭ حابارلاۋىنشا، 2016 جىلى جەلتوقساندا ولار قىرعىز ازاماتىنىڭ بەتىنە گاز شاشىپ، ودان سوڭ سوققىعا جىققان. ال بيىل اقپان ايىندا اۋعانستان ازاماتىن مەتالل بۇيىمدارىمەن ساباعان.

بۇزاقىلىق تۋرالى باپ بويىنشا قىلمىستىق ءىس قوزعالدى.

حاليلوۆ پەن ارحيپوۆ وسى اپتادا ۇستالدى. تەرگەۋ نۇسقاسى بويىنشا، اقپاننىڭ ورتاسىندا ولار قازان فەدەرالدىق ۋنيۆەرسيتەتىنىڭ زاڭ فاكۋلتەتىنىڭ ستۋدەنتى ماحدجۋب تيدجاني حاسساندى سوققىعا جىققان.

ەكەۋى دە جاساعان قىلمىستارىن مويىندادى. جەرگىلىكتى ءباسپاسوزدىڭ مالىمەتى بويىنشا، ولاردىڭ قىرعىزستان، اۋعانستان جانە ءۇندىستان ازاماتتارىنىڭ سوققىعا جىعىلۋىنا، سونداي-اق قازانداعى مۇسىلمان زيراتىنىڭ قيراتىلۋىنا قاتىسى بولۋى مۇمكىن.

“The Qazaq Times”