Qasım-Jomart Toqaev pen Şi Jiñpiñ kezdesuinen keyin qanday qwjattarğa qol qoyıldı?

Qazaqstan prezidenti Qasım-Jomart Toqaev Beyjiñge jasağan saparı barısında Qıtay basşısı Şi Jiñpiñmen kezdesti. Basqosudan keyin taraptar birqatar kelisim qwjattarına qol qoydı.

1. QR ükimeti men QHR ükimeti arasındağı äue kemelerin izdestiru jäne azamattıq wşaqtardı birlesip qwtqaru kelisimi.

2. "Nwrlı jol" jäne "Jibek Jolı ekonomikalıq jobası" qwrılısı arasındağı äriptestikke özara tüsinistikpen qarau ükimet aralıq memorandumı.

3. Qıtay tarapınıñ Qazaqstanğa superkomp'yuterler beru ükimet aralıq kelisimi.

4. QR Sauda jäne integraciya ministrligi men QHR Kommerciya ministrligi arasındağı özara tüsinistik  memorandumı.

5. QR Auıl şaruaşılığı ministrligi men QHR Bastı keden basqarması arasındağı Qazaqstannan Qıtayğa eksporttalatın süt önimderine qoyılatın veterinar-sanitarlıq, karantindik, inspekciyalıq talaptar jönindegi protokol.

6. QR Auıl şaruaşılığı ministrligi men QHR Bastı keden basqarması arasındağı Qazaqstannan Qıtayğa tasımaldanatın teri önimderine qoyılatın talaptarğa baylanıstı protokol.

7. QR Qarjı ministrligi men QHR Bastı keden basqarması arasındağı şekaralıq qauipsizdikti küşeytu jäne intellektualdıq menşikti qorğau memorandumı.

8. QR QHR şekaralarınan ötetin tauarlar men tehnikalar jöninde aqparat almasu kelisimi.

Esteriñizge salayıq, Qazaqstan prezidentiniñ Qıtayğa saparı qırküyektiñ 11-12-i künderi bolğan. Osı uaqıtqa deyin birneşe qalada "Qıtay ekspanciyasına" qarsılıq akciyaları ötip, halıq Qazaqstanğa Qıtay zauıttarın kirgizbeudi, Toqaevtı Beyjiñge barmaudı talap etken.

"The Qazaq Times"