Türkiya Reseydiñ Su-57 wşaqtarın satıp aluı mümkin.

CNN Turk telearnasınıñ mälimetinşe, Türkiya prezidenti Rejep Tayıp Erdoğan Su-57 wşağın satıp aluğa qızığuşılıq tanıtqan. Ol «MAKS-2019» äuesalonında jurnalister aldında söylegen sözinde: «Biz bwl jerge jaydan-jay kelgen joqpız. Biraq naqtı şeşim AQŞ prezidentimen söylesip, Türkiyanıñ F-35 wşaq jobasına qatıstı Uaşington wstanımın bilgennen keyin qabıldanadı» - dep mälimdegen.

Bwğan deyin Resey prezidenti Vladimir Putin Rejep Tayıp Erdoğanğa MAKS-2019 körmesinde Su-57 wşağın körsetip, taraptar wşaqtı satıp aluğa baylanıstı äñgime qozğağan.

Osıdan biraz uaqıt bwrın Petagon basşısı Mark Esper «Türkiya Amerikanıñ F-35 wşaqtarın Reseydiñ S-400 zımıran jüyelerinen tolıqtay bas tartqan kezde ğana satıp ala aladı» dep mälimdegen. Biraq resmi Ankara S-400 äue qorğanıs jüyesinen bas tartpaytının aytqan.

"The Qazaq Times"