تۇركيا رەسەيدىڭ سۋ-57 ۇشاقتارىن ساتىپ الۋى مۇمكىن.

CNN Turk تەلەارناسىنىڭ مالىمەتىنشە، تۇركيا پرەزيدەنتى رەجەپ تايىپ ەردوعان سۋ-57 ۇشاعىن ساتىپ الۋعا قىزىعۋشىلىق تانىتقان. ول «ماكس-2019» اۋەسالونىندا جۋرناليستەر الدىندا سويلەگەن سوزىندە: «ءبىز بۇل جەرگە جايدان-جاي كەلگەن جوقپىز. بىراق ناقتى شەشىم اقش پرەزيدەنتىمەن سويلەسىپ، تۇركيانىڭ F-35 ۇشاق جوباسىنا قاتىستى ۋاشينگتون ۇستانىمىن بىلگەننەن كەيىن قابىلدانادى» - دەپ مالىمدەگەن.

بۇعان دەيىن رەسەي پرەزيدەنتى ۆلاديمير پۋتين رەجەپ تايىپ ەردوعانعا ماكس-2019 كورمەسىندە سۋ-57 ۇشاعىن كورسەتىپ، تاراپتار ۇشاقتى ساتىپ الۋعا بايلانىستى اڭگىمە قوزعاعان.

وسىدان ءبىراز ۋاقىت بۇرىن پەتاگون باسشىسى مارك ەسپەر «تۇركيا امەريكانىڭ F-35 ۇشاقتارىن رەسەيدىڭ س-400 زىمىران جۇيەلەرىنەن تولىقتاي باس تارتقان كەزدە عانا ساتىپ الا الادى» دەپ مالىمدەگەن. بىراق رەسمي انكارا س-400 اۋە قورعانىس جۇيەسىنەن باس تارتپايتىنىن ايتقان.

"The Qazaq Times"