Tramp AQŞ äskerin Auğanstannan 2020 jılı şığaratın boldı.

Şilde ayınıñ 29-ı küni AQŞ Memlekettik hatşısı Mayk Pompeo Uaşingtonda ötken ekonomikalıq klub otırısında Auğanstanğa baylanıstı mälimdeme jasadı. Onıñ sözinşe, Donal'd Tramp AQŞ äskerin Auğanstannan 2020 jılı ötetin prezident saylauına deyin şığaradı.

«Donal'd Tramp wzaq jılğı soğıstı ayaqtauğa nietti ekendigin naqtı körsetti. Biz Taliban qozğalısımen kelissözder jürgizude aytarlıqtay jetistikterge qol jetkizdik. 2020 jıldıñ qırküyeginde 18 jılğa sozılğan soğıstı ayaqtaymız dep ümittenemin» - dedi Pompeo.

AQŞ äskeri Auğanstanğa 2001 jılı kirgizilgen. Qazirgi tañda olardıñ sanı 14 mıñ. 2018 jıldıñ şilde ayınan beri Uaşington Auğanstanda beybitşilik ornatuğa baylanıstı Taliban qozğalısımen kelissözder jürgizude.

Bwğan deyin Donal'd Tramp «eger AQŞ qalasa, Auğanstandı on künde jer betinen joyıp jiberedi» dep mälimdegen.

"The Qazaq Times"