Foto: lenta.inform.kz

11 şildede Türkistan oblısı Arıs qalasında depo aumağındağı qoymada ört boldı. Bwl turalı tötenşe jağday komiteti men oblıstıq äkimdik habarladı dep jazdı Ortalıq Aziya jañalıqtar qızmeti.

Tötenşe jağday komitetiniñ habarlauınşa, "ört söndirilgen. Jalındı söndiruge onnan astam tehnika men 55 ört söndiruşi, örtke qarsı poyız ben Arıs stansasınıñ qızmetkerleri jwmılğan. Ört 2040 şarşı metr aumaqtı şarpığan".

Komitet ökili Nwrswltan Nwrahmetov qwrılıs jwmıstarı kezinde ört qauipsizdigi saqtalmağanın, ssınıñ saldarınan ört şıqqanın ayttı.

Türkistan oblıstıq äkimdiginiñ dereginşe, örtten zardap şekkender joq.

24 mausımda Türkistan oblısı Arıs qalasındağı äskeri qoymada ört şığıp, saldarınan oq-däri jarılğan. Densaulıq saqtau ministrliginiñ dereginşe, jarılıstan üş adam (Arıs twrğını men eki äskeri) qaza tauıp, 400-den astam adam däriger kömegine jügingen edi. 40 mıñnan astam adam qalanı tastap ketken. Twrğındar qalağa 28 mausımda oralğan.

Qalanıñ qauipsiz ekendigine oblıs äkimi Ömirzaq Şükeevten bastap biraz şendiler uağda bergendi. Al elimizdiñ qorğanıs ministiri Nwrlan Ermekbaev bwl tragediyanı "tabiği apat" dep atap biraz sınğa wşırağan bolatın.

“The Qazaq Times”