Foto: sputniknews.kz

Caylauğa baylanıstı äleumettik saualnama jürgizseñiz, jazağa tartılasız.

Bas Prokuratura qazaqstandıqtardı saylau zañın bwzbauğa şaqırdı.

«Bas Prokuratura kezekten tıs prezident saylauınıñ ötu barısın jiti baqılauda. Onıñ işinde Konstituciyadağı «Qazaqstan Respublikasınıñ saylau turalı zañına» säykes, äleumettik saualnama jürgizudiñ tärtipterin baqılau da bar» - delingen vedomstva baspasöz qızmeti taratqan mälimdemede.

Bwdan bölek, Bas Prokuratura saylau turalı äleumettik jelilerde saualnama jürgizu zañğa qayşı ekendigin eskertedi jäne birneşe adamnıñ atalmış zañğa säykes äkimşilik jauapkerşilikke tartılğandığın mısalğa keltiredi.

«Mamır ayınıñ 17-i küni «VKontakte» äleumettik jelisinde saualnama jürgizgeni üşin Almatı qalasınıñ twrğınına 120 baptıñ 3 tarmağına säykes 15 AEK (37 875 teñge) köleminde ayıppwl salındı. Däl osınday zañ bwzuşılıq negizinde «Facebook» äleumettik jelisinde saualnama jürgizgeni üşin Almatı oblısınıñ twrğını äkimşilik jauapkerşilikke tartıldı» - delingen mälimdemede.

Qazaqstanda kezekten tıs prezident saylauı mausım ayınıñ 9-ı küni ötedi. Qazirgi uaqıtta kandidattar saylau aldı ügit-nasihat jwmıstarın jürgizude. Ol mausımnıñ 8-ine deyin jalğasadı. 8-şi mausım - tınıştıq küni.

"The Qazaq Times"