Foto: Times.kz

SİM Venesuela prezidenti Nikolas Maduronıñ qarjısın basqardı degen qazaqstandıqqa baylanıstı mälimdeme jasadı.

Parlament mäjilisinde ötken ükimet otırısınan keyin jurnalister aldında söz söylegen sırtqı ister vice-ministri Erjan Aşıqbaev Nkolas Maduronıñ qarjısın basqardı delingen Nwrlan Baydildäğa qatıstı pikir bildirdi.

«Biz bwnday adamnıñ bar ekendigin bilemiz jäne osığan baylanıstı jwmıstar jürip jatır. Biz «Bloomberg» basılımında jarıq körgen aqparattardıñ barlığı dwrıs dep ayta almaymız» - dedi Aşıqbaev.

Aşıqbaevtıñ sözinşe, Nwrlan Baydildäniñ qos azamattığı boluı mümkin.

Osı twsta ayta ketetin bir jayt, Reseyde zañ boyınşa qos azamattıq aluğa rwqsat berilgen. Biraq Qazaqstanda bwğan rwqsat joq.

Esteriñizge salayıq, bwğan deyin «Bloomberg» basılımı «Venesuela prezidenti Nikolas Maduro milliondağan dollar memleket qarjısın «Nurlan Baidilda Ltd» qorınıñ basqaruındağı esep şottarda saqtauda. Onı Qazaqstannan şıqqan azamat basqaruda» - degen aqparat tarağan.

 "The Qazaq Times"