Foto: Reuters

Bangladeş astanası Dakkada alapat ört bolıp, saldarınan 70 adam qaza taptı. Bwl turalı Reuters agenttigi habarladı.

Ört qalanıñ eski kvartalı sanalatın Çaukbazardağı tört qabattı twrğın üyde orın alğan. Mälimetter boyınşa, twrğın üydiñ birinşi qabatında himikattar qoyması ornalasqan. 2010 jılı bolğan örtten keyin jergilikti biliktiñ aymaqta himikattardı saqtauğa tıyım salğanına qaramastan, parfyumerlik zauıttar jwmıs istegen.

Çaukbazar – Dakkanıñ eski aymağında ornalasqan audandardıñ biri. Ol 300 jıl bwrın Moğol imperiyası kezinde payda bolğan. Eldimeken köşeleri tar jäne twrğın üyler öndiris qajettiligi üşin paydalanılatın bolğandıqtan, mwnda jii apattar orın aladı. 2013 jılı Dakkkadağı toqıma fabrikası ğimaratınıñ qwlauı saldarınan 1100-den astam adam qaza tauıp, birneşe mıñ adam zardap şekken bolatın. Belgili bolğanday, Bangladeşte köptegen ğimarattardıñ ört qauipsizdigi äli künge deyin saqtalmağan.

"The Qazaq Times"