بانگلادەش استاناسى داككادا الاپات ءورت بولىپ، سالدارىنان 70 ادام قازا تاپتى. بۇل تۋرالى Reuters اگەنتتىگى حابارلادى.
ءورت قالانىڭ ەسكى كۆارتالى سانالاتىن چاۋكبازارداعى ءتورت قاباتتى تۇرعىن ۇيدە ورىن العان. مالىمەتتەر بويىنشا، تۇرعىن ءۇيدىڭ ءبىرىنشى قاباتىندا حيميكاتتار قويماسى ورنالاسقان. 2010 جىلى بولعان ورتتەن كەيىن جەرگىلىكتى بيلىكتىڭ ايماقتا حيميكاتتاردى ساقتاۋعا تىيىم سالعانىنا قاراماستان، پارفيۋمەرلىك زاۋىتتار جۇمىس ىستەگەن.
چاۋكبازار – داككانىڭ ەسكى ايماعىندا ورنالاسقان اۋدانداردىڭ ءبىرى. ول 300 جىل بۇرىن موعول يمپەرياسى كەزىندە پايدا بولعان. ەلدىمەكەن كوشەلەرى تار جانە تۇرعىن ۇيلەر ءوندىرىس قاجەتتىلىگى ءۇشىن پايدالانىلاتىن بولعاندىقتان، مۇندا ءجيى اپاتتار ورىن الادى. 2013 جىلى داكككاداعى توقىما فابريكاسى عيماراتىنىڭ قۇلاۋى سالدارىنان 1100-دەن استام ادام قازا تاۋىپ، بىرنەشە مىڭ ادام زارداپ شەككەن بولاتىن. بەلگىلى بولعانداي، بانگلادەشتە كوپتەگەن عيماراتتاردىڭ ءورت قاۋىپسىزدىگى ءالى كۇنگە دەيىن ساقتالماعان.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى