Türkimenstan memleketi «Biz barde» (Biz osındamız) attı jeke äleumettik jelisin qoldanısqa engizdi. Jeliniñ negizin qalauşılar jaña jobanıñ atauın qısqartıp «Bi-Bi» dep ataudı da wsındı.

Qazirgi tañda jaña «Bi-Bi» äleumettik jelisin Android bağdarlaması arqılı 5 mıñ adam jüktegen.  Äleumettik jelini oylap tapqandar, mwnıñ özge analogtarınan kem tüspeytindigin alğa tartıp otır.

13 jastan joğarı azamattarğa arnalğan bağdarlamada, ärbir jeli qoldanuşısı öziniñ jeke paraqşasınan jariyalanğan qanday da bir aqparattarğa jauap beredi. Sondıqtan, eşkimdi balağattamay, tınıştığın bwzbay jäne qısım äreketterge barmau turalı eskertpe körsetilgen. Tipti, äkimşilik jeke paraqşalardan qanday da bir jağımsız aqparattı añğarsa, kez kelgen uaqıtta bwğattay aladı.

Esteriñizge sala keteyik, älemde tanımal bolğan Facebook, Twitter, Instagram, Odnoklassniki, jäne VKontakte äleumetti jelileri Türkimenstan elinde tolıqtay bwğattalğan. Bir kezderi Odnaklasniki jelisin twrğındar birşama uaqıt paydalanğan. Alayda, bilikke qarsı aqparattar köptep jariyalana bastağanın bayqağan äkimşilik tez arada bwğattap ülgerdi. Sonımen qatar, oppoziciyalıq pikirler jazğan azamattardı arnayı qızmetkerler jeke-jeke tildesuge şaqırğan. Eger arnayı qızmet mamandarı Türkimenstan biligi nemese memleketi turalı qanday da bir sıni aqparatqa lüpil nemese pikir jazğan azamattardı bayqasa, onda twrğındarğa öte jağımsız äser etetindigi ras.

"The Qazaq Times"