«Digital Revolution» tobınıñ hakerleri Resey Federaldı qauipsizdik qızmetiniñ (FSB) "Kvant" dep atalatın ğılımi-zertteu institutınıñ komp'yuterlik jüyesin bwzdıq dep mälimdeydi.

Olar taratqan qwjatta atalğan jüye negizinen äleumettik jelilerdegi narazı toptı anıqtaumen aynalısatındığı körsetilgen. «Digital Revolution» ökilderi reseylik baqılau jüyesine Qazaqstannıñ da tapsırıs bergenin atap ötken. BBC mälimetinşe, Qazaqstannıñ aqparat jäne kommunikaciya ministrligi 4,3 mln dollar aqşa bölgen.

"Kvant" äzirlep jatqan monitoring jüyesi neyrondıq jeli arqılı "VKontakte", «Facebook», "Odnoklassniki" jäne «Instagram» sekildi äleumettik jelilerden avtomattı türde posrtarğa taldau jasaydı. Olar Reseydiñ oppoziciyalıq sayasatkeri Aleksey Naval'nıydıñ atı-jöni boyınşa test jürgizgen.

Mäskeudiñ Hovrino audanında ornalasqan "Kvant" jabıq institutı 1970 jılı qwrılğan. 2008 jılı onı «FSB» baqılauına alğan. 2012–2014 jıldarı "Kvant" birneşe şpiondıq bağdarlamalar satıp alğan. «Forbes» mälimetinşe, qaşıqtıqtan baqılaytın bwl bağdarlamalar qwrılğınıñ izin kesip, jasırın kamerağa tüsirip, jazbaların köşirip ala aladı.

2018 jılı AQŞ "Kvantqa" qarsı sankciya engizgen. AQŞ biligi osı jüye prezident saylauı aldında hakerlik şabuıl jasauı mümkin dep esepteydi. «Digital Revolution» biıl "internetti türmege aynaldıratındardı" jazalauğa uäde bergen.

"The Qazaq Times"