Prezident Ruhani Iran studentterimen. Foto: thenational.ae.

Iran studentteri eldegi ekonomikalıq jağdaydıñ naşarlauı jäne erkindiktiñ şekteluine baylanıstı prezident Hasan Ruhanige aşıq hat joldadı. Bwl turalı Irandağı Adam qwqığı eriktiler agenttiginiñ taratqan mälimetine silteme jasay otırıp, IRNA aqparattıq agenttigi habarladı.

Habarda el köleminde wyımdastırılğan şarada studentter men aqparat ökilderi belsendilik tanıtqanı aytıladı. Prezidenti Hasan Ruhanige jazılğan aşıq hatta, onıñ prezident saylauı kezinde bergen joğarı oqu orındarındağı erkindik kölemin keñeytu turalı uädesin orındamağanı turalı aytqan.

Aşıq hatqa 5000 studenttiñ qolı qoyılğan. Olar prezidenttiñ el ekonomikasın jaqsartu turalı saylau kezindegi uädesine de basa nazar audaratının aytqan. Äri, jwmısşılar, mwğalimder jäne özge de memlekettik qızmetkerlerdiñ jağdayınıñ tım auır küyde ekenin aytqan. Sonday-aq, el baylığınıñ ädiletti böliske salınbağanın atap körsetedi. Eldegi ekonomikalıq jağdaylardı oñauğa ükimet tarabınan jwmıs istelmey otırğanın sınğa alğan.

Iran studentteriniñ aşıq hatında, ükimet pen halıq arasındağı senimdiliktiñ azayıp bara jatqanın, atqaruşı bilikterdiñ halıq jağdayımen sanaspay otırğanın alğa tartadı.

Bwl turalı el prezidenti resmi mälimdeme jasamadı. Irannıñ resmi aqparattıq sayttarı da bwl turalı mälimet taratpadı.

“The Qazaq Times”