پرەزيدەنت رۋحاني يران ستۋدەنتتەرىمەن. فوتو: thenational.ae.

يران ستۋدەنتتەرى ەلدەگى ەكونوميكالىق جاعدايدىڭ ناشارلاۋى جانە ەركىندىكتىڭ شەكتەلۋىنە بايلانىستى پرەزيدەنت حاسان رۋحانيگە اشىق حات جولدادى. بۇل تۋرالى يرانداعى ادام قۇقىعى ەرىكتىلەر اگەنتتىگىنىڭ تاراتقان مالىمەتىنە سىلتەمە جاساي وتىرىپ، IRNA اقپاراتتىق اگەنتتىگى حابارلادى.

حاباردا ەل كولەمىندە ۇيىمداستىرىلعان شارادا ستۋدەنتتەر مەن اقپارات وكىلدەرى بەلسەندىلىك تانىتقانى ايتىلادى. پرەزيدەنتى حاسان رۋحانيگە جازىلعان اشىق حاتتا، ونىڭ پرەزيدەنت سايلاۋى كەزىندە بەرگەن جوعارى وقۋ ورىندارىنداعى ەركىندىك كولەمىن كەڭەيتۋ تۋرالى ۋادەسىن ورىنداماعانى تۋرالى ايتقان.

اشىق حاتقا 5000 ستۋدەنتتىڭ قولى قويىلعان. ولار پرەزيدەنتتىڭ ەل ەكونوميكاسىن جاقسارتۋ تۋرالى سايلاۋ كەزىندەگى ۋادەسىنە دە باسا نازار اۋداراتىنىن ايتقان. ءارى، جۇمىسشىلار، مۇعالىمدەر جانە وزگە دە مەملەكەتتىك قىزمەتكەرلەردىڭ جاعدايىنىڭ تىم اۋىر كۇيدە ەكەنىن ايتقان. سونداي-اق، ەل بايلىعىنىڭ ادىلەتتى بولىسكە سالىنباعانىن اتاپ كورسەتەدى. ەلدەگى ەكونوميكالىق جاعدايلاردى وڭاۋعا ۇكىمەت تارابىنان جۇمىس ىستەلمەي وتىرعانىن سىنعا العان.

يران ستۋدەنتتەرىنىڭ اشىق حاتىندا، ۇكىمەت پەن حالىق اراسىنداعى سەنىمدىلىكتىڭ ازايىپ بارا جاتقانىن، اتقارۋشى بيلىكتەردىڭ حالىق جاعدايىمەن ساناسپاي وتىرعانىن العا تارتادى.

بۇل تۋرالى ەل پرەزيدەنتى رەسمي مالىمدەمە جاسامادى. يراننىڭ رەسمي اقپاراتتىق سايتتارى دا بۇل تۋرالى مالىمەت تاراتپادى.

“The Qazaq Times”