Foto: Lamro.org

Makronnıñ aralasuımen Tramp pen Putin kezdesui keyinge qaldırıldı.

Jergilikti BAQ ökilderiniñ mälimetinşe, AQŞ prezidenti Donal'd Tramp pen Resey basşısı Vladimir Putinniñ Parij qalasında josparlanğan kezdesui Franciya prezidenti Emmanuel' Makronnıñ ötinişi boyınşa keyinge qaldırılğan. Boljam boyınşa, Makron birinşi düniejüzilik soğıstıñ ayaqtalğanına 100 jıl toluına oray wyımdastırılatın is-şara barısında Tramp pen Putinniñ kezdesu ötkizuine qarsılıq bildirgen. Onıñ bwnday qadamğa baruına älemdik bwqaralıq aqparat qwraldarınıñ atalmış kezdeuge degen şamadan tıs qızığuşılığı sebep bolğan. Makron 100 jıldıqqa oray wyımdastırılatın şaralardıñ Tramp pen Putin kezdesuiniñ tasasında qalıp qoyuına alañdauşılıq bildirgen.

Bwğan deyin bwqaralıq aqparat qwraldarı «Tramp pen Putin 11 qaraşa küni Parijde kezdesu ötkizedi» degen aqparat taratqan. Biraq keyinnen AQŞ prezidenti reseylik äriptesimen ötetin kezdeudiñ bolmay qaluı mümkin ekendigin aytqan. Tramptıñ sözinşe, Putinmen kezdesu Bueynos- Ayres qalasında ötetin G-20 sammiti ayasında boluı mümkin.

"The Qazaq Times"