باق: ماكروننىڭ ارالاسۋىمەن ترامپ پەن پۋتين كەزدەسۋى كەيىنگە قالدىرىلدى

ماكروننىڭ ارالاسۋىمەن ترامپ پەن پۋتين كەزدەسۋى كەيىنگە قالدىرىلدى.

جەرگىلىكتى باق وكىلدەرىنىڭ مالىمەتىنشە، اقش پرەزيدەنتى دونالد ترامپ پەن رەسەي باسشىسى ۆلاديمير ءپۋتيننىڭ پاريج قالاسىندا جوسپارلانعان كەزدەسۋى فرانتسيا پرەزيدەنتى ەممانۋەل ماكروننىڭ ءوتىنىشى بويىنشا كەيىنگە قالدىرىلعان. بولجام بويىنشا، ماكرون ءبىرىنشى دۇنيەجۇزىلىك سوعىستىڭ اياقتالعانىنا 100 جىل تولۋىنا وراي ۇيىمداستىرىلاتىن ءىس-شارا بارىسىندا ترامپ پەن ءپۋتيننىڭ كەزدەسۋ وتكىزۋىنە قارسىلىق بىلدىرگەن. ونىڭ بۇنداي قادامعا بارۋىنا الەمدىك بۇقارالىق اقپارات قۇرالدارىنىڭ اتالمىش كەزدەۋگە دەگەن شامادان تىس قىزىعۋشىلىعى سەبەپ بولعان. ماكرون 100 جىلدىققا وراي ۇيىمداستىرىلاتىن شارالاردىڭ ترامپ پەن پۋتين كەزدەسۋىنىڭ تاساسىندا قالىپ قويۋىنا الاڭداۋشىلىق بىلدىرگەن.

بۇعان دەيىن بۇقارالىق اقپارات قۇرالدارى «ترامپ پەن پۋتين 11 قاراشا كۇنى پاريجدە كەزدەسۋ وتكىزەدى» دەگەن اقپارات تاراتقان. بىراق كەيىننەن اقش پرەزيدەنتى رەسەيلىك ارىپتەسىمەن وتەتىن كەزدەۋدىڭ بولماي قالۋى مۇمكىن ەكەندىگىن ايتقان. ترامپتىڭ سوزىنشە، پۋتينمەن كەزدەسۋ بۋەينوس- ايرەس قالاسىندا وتەتىن G-20 ءسامميتى اياسىندا بولۋى مۇمكىن.

"The Qazaq Times"