Bügin äl-Farabi atındağı QazWU alañında QR Memlekettik qızmet isteri jäne sıbaylas jemqorlıqqa qarsı is-qimıl agenttigi dayındağan elimizdiñ joğarı oqu orındarı men QR Bilim jäne ğılım ministrligine arnalğan sıbaylas jemqorlıqqa qarsı wsınıstarı talqılandı dep habarladı «Sanaly Urpaq» jobalıq keñsesiniñ baspasöz qızmeti.

Jobanı talqılauğa Almatı qalasınıñ 14 iri memlekettik jäne jeke joğarı oqu orındarınıñ basşılığı qatıstı.

«Sanaly Urpaq» jobalıq keñsesiniñ jetekşisi Qayırjan Tokuşev: «Agenttik bizdiñ qoğam ömiriniñ barlıq salalarında, onıñ işinde joğarı oqu orındarında, sıbaylas jemqorlıq täuekelderin joyu boyınşa maqsattı türde jwmıs jürgizip jatqanın jäne taldau qorıtındısı boyınşa tiisti wsınıstardı engizetinin» - atap ötti.

Keñeske qatısuşılar sıbaylas jemqorlıqqa qarsı äzirlengen wsınımdardıñ ärbir tarmağın belsendi jäne naqtı talqılap, jalpı wsınımdar jobasın qoldap, jekeleme wsınıstar engizdi.

Qorıtındılay kele, QR Memlekettik qızmet isteri jäne sıbaylas jemqorlıqqa qarsı is-qimıl agenttiginiñ Almatı qalası boyınşa departamenttiniñ basşısı Daniyar Taumwrat barlıq wsınıstar men eskertpeler sıbaylas jemqorlıq täuekelderin joyu jäne bolaşaq mamandardı dayarlau sapasın arttıru üşin joğarı oqu orındarınıñ qızmetinde aşıqtıq ornatuğa bağıttalğan wsınıstardı qabıldau kezinde eskeriletindigin ayttı.

“The Qazaq Times”