بۇگىن ءال-فارابي اتىنداعى قازۇۋ الاڭىندا قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى دايىنداعان ەلىمىزدىڭ جوعارى وقۋ ورىندارى مەن قر ءبىلىم جانە عىلىم مينيسترلىگىنە ارنالعان سىبايلاس جەمقورلىققا قارسى ۇسىنىستارى تالقىلاندى دەپ حابارلادى «Sanaly Urpaq» جوبالىق كەڭسەسىنىڭ ءباسپاسوز قىزمەتى.

جوبانى تالقىلاۋعا الماتى قالاسىنىڭ 14 ءىرى مەملەكەتتىك جانە جەكە جوعارى وقۋ ورىندارىنىڭ باسشىلىعى قاتىستى.

«Sanaly Urpaq» جوبالىق كەڭسەسىنىڭ جەتەكشىسى قايىرجان توكۋشەۆ: «اگەنتتىك ءبىزدىڭ قوعام ءومىرىنىڭ بارلىق سالالارىندا، ونىڭ ىشىندە جوعارى وقۋ ورىندارىندا، سىبايلاس جەمقورلىق تاۋەكەلدەرىن جويۋ بويىنشا ماقساتتى تۇردە جۇمىس جۇرگىزىپ جاتقانىن جانە تالداۋ قورىتىندىسى بويىنشا ءتيىستى ۇسىنىستاردى ەنگىزەتىنىن» - اتاپ ءوتتى.

كەڭەسكە قاتىسۋشىلار سىبايلاس جەمقورلىققا قارسى ازىرلەنگەن ۇسىنىمداردىڭ ءاربىر تارماعىن بەلسەندى جانە ناقتى تالقىلاپ، جالپى ۇسىنىمدار جوباسىن قولداپ، جەكەلەمە ۇسىنىستار ەنگىزدى.

قورىتىندىلاي كەلە، قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتتىنىڭ باسشىسى دانيار تاۋمۇرات بارلىق ۇسىنىستار مەن ەسكەرتپەلەر سىبايلاس جەمقورلىق تاۋەكەلدەرىن جويۋ جانە بولاشاق مامانداردى دايارلاۋ ساپاسىن ارتتىرۋ ءۇشىن جوعارى وقۋ ورىندارىنىڭ قىزمەتىندە اشىقتىق ورناتۋعا باعىتتالعان ۇسىنىستاردى قابىلداۋ كەزىندە ەسكەرىلەتىندىگىن ايتتى.

“The Qazaq Times”