Özbekstan memlekettik basqaruşı qızmetterge şeteldikterdi şaqıruın jalğastıradı.  

Özbekstannıñ Bryussel'degi elşisi Dil'er Hakimov Özbekstan biliginiñ elge şeteldik mamandardı köptep tartuına baylanıstı jurnalister aldında tüsinikteme berdi. Onıñ sözinşe, Özbekstan biligi aldağı uaqıtta joğarı lauazımdı memlekettik qızmetterge Türkiya, Oñtüstik Koreya, Germaniya, Gruziya siyaqtı memleketterden mamandar tartuın jalğastıradı. Bwl jwmıstardıñ barlığı prezident Şavkat Mirzieevtıñ bastaması boyınşa jüzege asırıluda jäne aldağı uaqıtta mindetti türde öz nätijesin beredi.

Esteriñizge salayıq, jaqında Özbekstan prezident Şavkat Mirzieev inovaciyalıq damu ministriniñ orınbasarı etip germaniyalıq maman Karsten Haynctı tağayındağan. Ol bwğan deyin Germaniyanıñ bilim jäne ğılımi zertteuler ministrliginde jwmıs istegen.

Jalpı, Şavkat Mirzieev bilik basına kelgeli beri Özbekstannıñ turizm, mektepke deyingi bilim, aqparattıq kommunikaciya salalarına şeteldik mamandardı köptep tartuda. Halıqaralıq sarapşılardıñ pikirinşe, Şavkat Mirzieev eks-prezident Islam Kärimovtıñ komandasın bilik basınan alastatqannan keyin kadr tapşılığın körude. Osığan baylanıstı ol elge şeteldik mamandardı tartuda.

“The Qazaq Times”