AQŞ pen «Taliban» qozğalısı ökilderi Doha qalasında kelissözder jürgizude – dep habarlaydı Reuters aqparat agenttigi.

Agenttik mälimetinşe, AQŞ pen «Taliban» qozğalısı ökilderi Katardıñ Doha qalasında kezdesip, Auğanstandağı soğısqa qatıstı kelissözder jürgizgen. Kelissöz barısında qos tarap Auğanstan dağdarısın beybit jolmen şeşu jäne uaqıtşa soğıstı toqtatuğa uağdalasqan.

«The New York Times» basılımınıñ habarlauınşa, Dohadağı kezdesuge AQŞ tarapınan Memlekettik departamenttiñ Oñtüstik Aziya mäseleleri böliminiñ basşısı Elis Uells qatısqan. Al «Taliban» qozğalısı tarapınan Katarğa tört adam kelgen. Biraq olardıñ kim ekendigi äzirge belgisiz.

Esteriñizge salayıq, bwğan deyin Auğanstan ükimeti men «Taliban» qozğalısı qwrban ayt kezinde soğıstı uaqıtşa toqtatu jöninde kelisimge kelgen. Keyinnen el prezidenti Aşraf Gani «Taliban» tarapın beybitşilik merzimin wzartuğa şaqırğan. Biraq «Taliban» ökilderi prezidenttiñ bwl wsınısımen kelispeytindikterin aytıp, ükimet äskerine birinşi bolıp oq atqan.

“The Qazaq Times”