Özbekstan sırtqı ister ministri Abdulaziz Kamilov: «Biz AQŞ-qa aqtalu üşin kelgen joqpız» - dep mälimdedi.

Abdulaziz Kamilov bastağan Özbekstan delegaciyası şilde ayınıñ 25-i küni Uaşingtonda «Özbekstandağı dini bostandıqtıñ jaña erası» attı baspasöz mäslihatın ötkizdi. Onda Abdulaziz Kamilov jurnalisterdiñ «Özbekstan üşin AQŞ astanasında dini bostandıq jöninde mälimdeme jasau mañızdı ma?» degen swraqtarına: «Bizdiñ AQŞ-pen qarım-qatınasımız keşe ğana bastalğan joq. Kün tärtibinde dini bostandıq taqırıbı twr. Bwl taqırıbtıñ Özbekstan men AQŞ qarım-qatınasında alatın ornı erekşe. Sebebi bwl adam qwqığı, beybitşilik jäne tañdau qwqığımen tikeley baylanıstı. Keyde Özbekstanğa qatıstı türli sıni mälimdemeler jasaladı. Biraq biz AQŞ-qa onı joqqa şığarıp, aqtalu üşin kelgen joqpız. Biz täjiribe almasu arqılı alda twrğan mäselelerdi birlesip şeşu üşin keldik» - dep jauap bergen.

Esteriñizge salayıq, Özbekstan sırtqı ister ministri Abdulaziz Kamilov 24 şilde küni AQŞ-qa resmi issaparmen barğan. Onda ol dini bostandıq taqırıbı boyınşa ministrlikter arasındağı halıqaralıq konferenciyağa qatısqan jäne Uaşingtonda birqatar eki jaqtıq kezdesuler ötkizgen.

“The Qazaq Times”