Foto: Astana qalası äkimdiginiñ baspasöz qızmeti

Astana qalasınıñ äkimi Äset Isekeşev qoğamdıq kölikterde jol jüru aqısı qımbattaytının mälimdedi. Qala basşısı elordada jolaqısı 4 jıldan beri öspegenin, sondıqtan jol jüru qwnın köteruge mäjbür ekenin ayttı.

"Biılğı jılı jolaqını qımbattatudı josparlap otırmız. Karta boyınşa tölem jasaytındar qazirgidey 90 teñge töley beredi. Al, qoğamdıq kölikterde jol jüru qwnın qolma-qol aqşamen ayıratındar  180 teñge töleytin boladı" - dedi, Isekeşev.

Äkimniñ sözinşe qazir Astanada transporttıq karta satatın orındardıñ sanın köbeytu közdelgen eken. Kez kelgen twrğın sol orındardan arnayı  kartalardı satıp ala aladı. Bwl - qoğamdıq köliktermen jii qatınaytın twrğındar üşin tiimdi boladı deydi, äkim.

Osığan deyin, qalalıq mäslihat deputattarı jolaqısın 200 teñgege qımbattatpaq degen aqparat tarağan edi. Alayda qala basşısı bwl aqparattı jañsaq dedi. Onıñ sözinşe, jolaqısı 200 teñgege emes, 180 teñgege qımbattaydı.

“The Qazaq Times”