استانادا جولاقىسى قىمباتتايدى

استانا قالاسىنىڭ اكىمى اسەت يسەكەشەۆ قوعامدىق كولىكتەردە جول ءجۇرۋ اقىسى قىمباتتايتىنىن مالىمدەدى. قالا باسشىسى ەلوردادا جولاقىسى 4 جىلدان بەرى وسپەگەنىن، سوندىقتان جول ءجۇرۋ قۇنىن كوتەرۋگە ءماجبۇر ەكەنىن ايتتى.

"بيىلعى جىلى جولاقىنى قىمباتتاتۋدى جوسپارلاپ وتىرمىز. كارتا بويىنشا تولەم جاسايتىندار قازىرگىدەي 90 تەڭگە تولەي بەرەدى. ال، قوعامدىق كولىكتەردە جول ءجۇرۋ قۇنىن قولما-قول اقشامەن ايىراتىندار  180 تەڭگە تولەيتىن بولادى" - دەدى، يسەكەشەۆ.

اكىمنىڭ سوزىنشە قازىر استانادا ترانسپورتتىق كارتا ساتاتىن ورىنداردىڭ سانىن كوبەيتۋ كوزدەلگەن ەكەن. كەز كەلگەن تۇرعىن سول ورىنداردان ارنايى  كارتالاردى ساتىپ الا الادى. بۇل - قوعامدىق كولىكتەرمەن ءجيى قاتىنايتىن تۇرعىندار ءۇشىن ءتيىمدى بولادى دەيدى، اكىم.

وسىعان دەيىن، قالالىق ءماسليحات دەپۋتاتتارى جولاقىسىن 200 تەڭگەگە قىمباتتاتپاق دەگەن اقپارات تاراعان ەدى. الايدا قالا باسشىسى بۇل اقپاراتتى جاڭساق دەدى. ونىڭ سوزىنشە، جولاقىسى 200 تەڭگەگە ەمەس، 180 تەڭگەگە قىمباتتايدى.

“The Qazaq Times”