Täjikstan Jazuşılar odağı komissiyası şığarmaşılıq odaqqa müşe 400 adamdı saraptaudan ötkizip, 40 jazuşını müşelikten şığardı. 

Komissiya müşeleri tekseru qorıtındısı boyınşa arnayı bayandama jasağan. Onda Bayandama avtorları Jazuşılar odağı 2010 jäne 2015 jıldar aralığında ädebietşilerge arnalğan komediyanı eske tüsiredi, keybiri tipten jeke ömirbayanın dwrıs jaza almaydı dep atap ötken.

"Jazuşılar odağına müşelikke qabıldau kezinde, odaq jarğısındağı talaptar saqtalmağan. Odaqqa müşe keybir adamdardıñ körkem ädebietke eşqanday qatısı bolmağan. Tarih, medicina, sayasattanu taqırıbında jazılğan şağın kitapşanıñ avtorları da Jazuşılar odağına müşe bolıp ketken",- dep jazadı bayandama avtorları.

"Tazalau" jwmıstarı 2015 jıldıñ mausım ayında törağalıqqa tanımal aqın Nizom Kosimniñ keluimen bastalğan. Ol 2016 jılı Jazuşılar odağına müşelikke qabıldauğa moratoriy jariyalağan.

Jazuşılar odağı müşeliginen şığıp qalğan 40 jazuşınıñ biri Guli Zard abıroyın saqtau üşin sotqa beruge nietti ekenin mälimdedi. Ol Jazuşılar odağınan moral'dıq ötemaqı retinde 150 mıñ somoni (17 mıñ AQŞ dolları şamasında) talap etpekşi.

Esteriñizge salayıq, 12 naurız küni Qazaqstan Jazuşılar odağında da dau bolğan. Almatı qalasında ötken HV qwrıltayında Jazuşılar odağın 22 jıl basqarğan Nwrlan Orazalin ülken daumen ketip, onıñ ornına aqın Wlıqbek Esdäulet kelgen. Jaña törağanı odaqqa müşe 700-den astam aqın-jazuşılardıñ arasınan dauıs beruge  iriktelip alınğan 151 adamnıñ barlığı qoldağan.

“The Qazaq Times”