تاجىكستان جازۋشىلار وداعىندا «تازارتۋ جۇمىستارى» جۇرگىزىلىپ جاتىپ

كوميسسيا مۇشەلەرى تەكسەرۋ قورىتىندىسى بويىنشا ارنايى بايانداما جاساعان. وندا بايانداما اۆتورلارى جازۋشىلار وداعى 2010 جانە 2015 جىلدار ارالىعىندا ادەبيەتشىلەرگە ارنالعان كومەديانى ەسكە تۇسىرەدى، كەيبىرى تىپتەن جەكە ءومىربايانىن دۇرىس جازا المايدى دەپ اتاپ وتكەن.

"جازۋشىلار وداعىنا مۇشەلىككە قابىلداۋ كەزىندە، وداق جارعىسىنداعى تالاپتار ساقتالماعان. وداققا مۇشە كەيبىر ادامداردىڭ كوركەم ادەبيەتكە ەشقانداي قاتىسى بولماعان. تاريح، مەديتسينا، ساياساتتانۋ تاقىرىبىندا جازىلعان شاعىن كىتاپشانىڭ اۆتورلارى دا جازۋشىلار وداعىنا مۇشە بولىپ كەتكەن",- دەپ جازادى بايانداما اۆتورلارى.

"تازالاۋ" جۇمىستارى 2015 جىلدىڭ ماۋسىم ايىندا توراعالىققا تانىمال اقىن نيزوم كوسيمنىڭ كەلۋىمەن باستالعان. ول 2016 جىلى جازۋشىلار وداعىنا مۇشەلىككە قابىلداۋعا موراتوري جاريالاعان.

جازۋشىلار وداعى مۇشەلىگىنەن شىعىپ قالعان 40 جازۋشىنىڭ ءبىرى گۋلي زارد ابىرويىن ساقتاۋ ءۇشىن سوتقا بەرۋگە نيەتتى ەكەنىن مالىمدەدى. ول جازۋشىلار وداعىنان مورالدىق وتەماقى رەتىندە 150 مىڭ سوموني (17 مىڭ اقش دوللارى شاماسىندا) تالاپ ەتپەكشى.

ەستەرىڭىزگە سالايىق، 12 ناۋرىز كۇنى قازاقستان جازۋشىلار وداعىندا دا داۋ بولعان. الماتى قالاسىندا وتكەن حV قۇرىلتايىندا جازۋشىلار وداعىن 22 جىل باسقارعان نۇرلان ورازالين ۇلكەن داۋمەن كەتىپ، ونىڭ ورنىنا اقىن ۇلىقبەك ەسداۋلەت كەلگەن. جاڭا توراعانى وداققا مۇشە 700-دەن استام اقىن-جازۋشىلاردىڭ اراسىنان داۋىس بەرۋگە  ىرىكتەلىپ الىنعان 151 ادامنىڭ بارلىعى قولداعان.

“The Qazaq Times”