29 naurız küni «Atameken» alañında beyne baylanıs arqılı Wlttıq palata wsınğan «Twtınuşılardıñ qwqığın qorğau salasın damıtu arqılı qoğamdıq baqılaudı küşeytu» bastamasına qatıstı döñgelek üstel ötti.

Şarağa Qazaqstannıñ iri sauda–oyın-sauıq ortalıqtarınıñ ökilderi, käsipkerler, memlekettik organdar, qoğam qayratkerleri, jurnalister, sonımen qatar QR İşki ister ministrligi Tötenşe jağdaylar jönindegi komiteti qatıstı.

Tötenşe jağdaylar jönindegi organ ökili balalarğa qauipsizdik şaraların jappay üyretu boyınşa mäseleni bwrınnan beri köterip kelgenderin ayttı. Alayda bwl bastamanı QR Bilim jäne ğılım ministrligi qoldamay otır. Büginde mektep bağdarlamasında bastauış äskeri dayındıq sabağı ğana ötkiziledi.

Jiın soñında sarapşılarğa swraqtar qoyıldı. Jalpı iri megopolisterdegi qauipsizdik standarttarı birşama jaqsı bolsa, öñirdegi körinis mülde basqa, köñil könşitpeydi. Sonımen qatar normativterde de kereğarlıq barı aytıldı. Mäselen ört qauipsizdigi boyınşa apattı şığu joldarı ünemi aşıq boluı kerek delinse, terrorizmge qarsı normativterdegi şartpen nısandağı qosımşa şığu esikteri qwlıptaulı boluı kerek.

Jiındı qorıtındılay kele WKP Şağın jäne orta biznesti damıtu komitetiniñ törağası Rayımbek Batalov joğarıda köterilgen mäselelerdi şeşip, wsınıstardı qarastıru maqsatında Wlttıq palata janınan qoğamdıq keñes qwrudı wsındı.

“The Qazaq Times”