"Astana" universiteti. Foto: Google

Bilim ministrligi «Astana» universitetin sotqa berdi. Atalğan oqu ornı universiteti QR Bilim jäne ğılım ministrliginiñ tekseru jwmıstarına kedergi keltirip, qajetti qwjattardı wsınbağan.

Ministrlik mälimdemesinde: «2020 jıldıñ 12 aqpanında QR BĞM tarapınan universitetke profilaktikalıq baqılau jürgiziletindigi turalı habarlama jiberildi. Kelesi küni tiisti akt QR Bas prokuraturasınıñ Qwqıqtıq statistika jäne arnayı esepke alu jönindegi komitetinde tirkeldi. 17 aqpanda universitet komissiyağa joğarı oqu ornına kedergisiz kirudi qamtamasız etip, baqılau nısanına säykes qajetti qwjattardı nemese olardıñ köşirmelerin wsınuğa mindetti boldı. Alayda, «Astana» universiteti Qazaqstan Respublikası Käsipkerlik kodeksiniñ 155-babınıñ 2-tarmağınıñ 1) jäne 2) tarmaqşaların bwzıp, komissiyağa tiisti qwjattardı wsınbadı», – delingen.

Bıltır tamızda «Astana» universitetindegi jospardan tıs tekseru nätijesinde atalğan bilim beru wyımında qoldanıstağı talaptarğa säykes kelmegen mäseleler anıqtalğan bolatın. Mälimetter boyınşa, universitetke qabıldau erejeleri, studentterdi auıstıru jäne qayta qabıldau tärtibi, emtihan ötkizu jäne emtihan sessiyasınıñ qorıtındısı boyınşa qwjattar jürgizu tärtibi bwzılğan. Sonımen qatar, aralıq baqılau jürgizu kezinde Akademiyalıq sayasat saqtalmağan.

"The Qazaq Times"