29 ناۋرىز كۇنى «اتامەكەن» الاڭىندا بەينە بايلانىس ارقىلى ۇلتتىق پالاتا ۇسىنعان «تۇتىنۋشىلاردىڭ قۇقىعىن قورعاۋ سالاسىن دامىتۋ ارقىلى قوعامدىق باقىلاۋدى كۇشەيتۋ» باستاماسىنا قاتىستى دوڭگەلەك ۇستەل ءوتتى.

شاراعا قازاقستاننىڭ ءىرى ساۋدا–ويىن-ساۋىق ورتالىقتارىنىڭ وكىلدەرى، كاسىپكەرلەر، مەملەكەتتىك ورگاندار، قوعام قايراتكەرلەرى، جۋرناليستەر، سونىمەن قاتار قر ىشكى ىستەر مينيسترلىگى توتەنشە جاعدايلار جونىندەگى كوميتەتى قاتىستى.

توتەنشە جاعدايلار جونىندەگى ورگان وكىلى بالالارعا قاۋىپسىزدىك شارالارىن جاپپاي ۇيرەتۋ بويىنشا ماسەلەنى بۇرىننان بەرى كوتەرىپ كەلگەندەرىن ايتتى. الايدا بۇل باستامانى قر ءبىلىم جانە عىلىم مينيسترلىگى قولداماي وتىر. بۇگىندە مەكتەپ باعدارلاماسىندا باستاۋىش اسكەري دايىندىق ساباعى عانا وتكىزىلەدى.

جيىن سوڭىندا ساراپشىلارعا سۇراقتار قويىلدى. جالپى ءىرى مەگوپوليستەردەگى قاۋىپسىزدىك ستاندارتتارى ءبىرشاما جاقسى بولسا، وڭىردەگى كورىنىس مۇلدە باسقا، كوڭىل كونشىتپەيدى. سونىمەن قاتار نورماتيۆتەردە دە كەرەعارلىق بارى ايتىلدى. ماسەلەن ءورت قاۋىپسىزدىگى بويىنشا اپاتتى شىعۋ جولدارى ۇنەمى اشىق بولۋى كەرەك دەلىنسە، تەرروريزمگە قارسى نورماتيۆتەردەگى شارتپەن نىسانداعى قوسىمشا شىعۋ ەسىكتەرى قۇلىپتاۋلى بولۋى كەرەك.

جيىندى قورىتىندىلاي كەلە ۇكپ شاعىن جانە ورتا بيزنەستى دامىتۋ كوميتەتىنىڭ توراعاسى رايىمبەك باتالوۆ جوعارىدا كوتەرىلگەن ماسەلەلەردى شەشىپ، ۇسىنىستاردى قاراستىرۋ ماقساتىندا ۇلتتىق پالاتا جانىنان قوعامدىق كەڭەس قۇرۋدى ۇسىندى.

“The Qazaq Times”