AQŞ prezidenti Donal'd Tramp öziniñ Wlttıq qauipsizdik jönindegi jaña keñesşisin tanıstırdı. Eldiñ BWW-dağı bwrınğı twraqtı ökili bolğan Djon Bolton endi Wlttıq qauipsizdik keñesşisi qızmetin atqaradı. Ol general Garbert Makmasterdiñ ornına keledi.

"2018 jıldıñ 9 säuirinen bastap Djon Boltonnıñ meniñ Wlttıq qauipsizdik jönindegi keñesşim bolatınına quanıştımın. Men tapsırılğan jwmıstı atqara bilgen jäne ärqaşan meniñ dosım bolıp qalatın general Makmasterdiñ atqarğan qızmetine öte rizamın", - dep jazğan Tramp öziniñ tvitter paraqşasında.

Prezident birneşe apta bwrın Djon Boltonmen Makmasterdiñ keñesşi qızmetin auıstıru turalı mäseleni talqılağan. Derekközderdiñ mälimetinşe, Bolton prezident keñeşisi bolıp tağayındalsa, eşbir soğıs bastamauğa uäde bergen.

CNN arnasınıñ aqparatınşa, Tramp birnaşe ay bwrın Gerbert Makmastermen sözge kelise almağan soñ, onı auıstıru turalı şeşim qabıldağan.

Amerikalıq sayasatker Djon Bolton 1989 jäne 1993 jıldar aralığında AQŞ memlekettik hatşısınıñ halıqaralıq wyım jönindegi kömekşisi bolğan. 2001-2005 jıldar aralığında memlekettik hatşınıñ qarulı küşterdi baqılau jönindegi orınbasarı qızmetin atqardı. Ol Resey, Soltüstik Koreya, Iran, Kuba sındı elderge qatañ sayasat wstanudı qoldaytındardıñ qatarında.

Ayta keteyik, bwdan bwrın AQŞ prezidenti memlekettik hatşı Reks Tillersondı da qızmetinen bosatqan edi.

The Qazaq Times