Bayden saparınıñ aldında jasağan mälimdemesinde Putinge qarsı eskertu jasadı. Foto: VOA

Amerika Qwrama Ştattarınıñ prezidenti Jo Bayden otırğan wşaq Europağa qaray wştı. Bwl onıñ Aq üy qojayını bolğannan bergi alğaşqı memlekettik saparı. Bwl saparınıñ kün tärtibinde Bayden birqatar mañızdı kezdesulerdi ötkizbek. Sonıñ işinde eñ eleuşisi G7 sammitine qatısu. Sapar aldında Bayden Resey prezidenti Putinge qarata qatañ eskertuin de aytıp ketti.

Bayden AQŞ-tıñ birinşi hanımın ertip saparğa attandı. Foto: AP.

Baydenniñ alğaşqı şeteldik saparı Wlıbritaniyadan bastaladı. Bwl AQŞ prezidentteriniñ özgermey kele jatqan, özgere qoymaytın dästüri. Saparınıñ alğaşqı küntärtibi Britaniya bas uäziri Boris Jonsonmen kezdesu. Bwdan keyin Britaniyadağı birqatar mañızdı kezdesulerin bastaydı. 13 mausımda Bayden Birikken Korol'diktiñ patşayımı Elizaveta İİ-ge kezdesip, ömirden qaytan hanzada Filipptiñ orının joqtap köñil aytadı.

Boris Jonson men Bayden hanımdarımen otbasılıq kezdesuinde. Foto: BBC.

Osıdan keyin AQŞ prezidenti Bel'giyanıñ bas qalası Bryussel'ge attanıp, NATO sammitine (14 mausımda ötetin) qatısadı. 15 mausımda tağı sol Bryussel'de AQŞ-EO sammitine bolıp, 16 mausım küni Jenevada Resey prezidenti Vladimir Putinmen kezdespek.

Bayden saparınıñ aldında Putinge bağıttap eskertu jasapdı, ol Resey ükimetiniñ Qwrama Ştattarğa qarsı "ziyandı äreketterin tez arada toqtatuın", eger bwl äreketter jalğasın tapsa AQŞ "asa pärmendi äri belsendi jauap beretinin" eskertti.

Baydenniñ kezekti saparına älem elderi basa nazar audaradı. Sebebi, bwl saparda AQŞ prezidenti eñ ıqpaldı elder men halıqaralıq wyımdardıñ jetekşilerimen kezdesip, qazirgi halıqaralıq mañızdı mäselelerdi, qwbılıp twrğan halıqaralıq tärtipter turasında söylesedi.

“The Qazaq Times”