Jarılıs jasamaq bolğan qılmıstıq top qwrıqtalğan. Foto: BBC.

Resmi Kreml' AQŞ-tıñ Ortalıq barlau basqarması Peterborda (Sankt-Peteburg) terrorlıq şabuıl bolatının eskertkenin ayttı. Mälimette tağı "Resey prezidenti Putin jeksenbi küni AQŞ prezidentimen telefonda söylesken kezde bwl eskertuge rizaşılığın bildirgeni" turalı aytılğan. Qauiptiñ aldın aluğa jäne teraktige dayındalıp jatqandardı qamauğa mümkindik alğanın jetkizgen. Bwl turalı BBC-diñ resmi saytı habarladı.

Resmi mälimdemede Putin Peterborda jasalmaq bolğan terrorlıq şabuıl turalı aldın ala mälimetti jetkizgen AQŞ-tıñ Ortalıq barlau basqarmasına jäne barlau qızmetkerlerine rahmetin aytqan. Putin sonımen birge reseylik barlau qızmetkerleri AQŞ-qa jasalğalı jatqan terrorlıq şabuıldar turalı bilgen jağdayda, amerikalıq äriptesterine habar beruge kepildik etetinin aytqan.

Mälimdemede, jeksenbi küngi telefonda söylesu Resey tarabınıñ wsınısımen bolğanı aytılğan. Aq üy tarabı da bwl retki telefon arqılı bolğan äñgimeni rastağan. Ötken jwma küni Reseydiñ Federaldıq qauipsizdik qızmeti Peterborda terakt jasamaq bolğan toptıñ twtqındalğanın habarlağan edi. Mälimetke qarağanda jarılıs 16 jeltoqsanğa josparlanğan. Atalğan iske qatıstı delingen 7 adam twtqındalğan. Federaldıq qauipsizdik qızmetiniñ mälimetinde bwlardıñ bäri de «Islam memleketi» wyımınıñ müşeleri delingen.

“The Qazaq Times”